𝑷𝑶𝑹𝑻𝑨VÓZ 𝑬𝑰𝑺 𝑷𝑹𝑶𝑭𝑬𝑺Ó𝑹 𝑲𝑶𝑵𝑻𝑹𝑨𝑻𝑨𝑫𝑼 𝑨𝑮𝑶𝑺𝑻𝑰𝑵𝑯𝑶 𝑷𝑰𝑵𝑻𝑶 HO EIS PROFESÓR KONTRATADU 309 SELUK PASA IHA TESTE ESPESIÁL BOLSA KANDIDATU PROFESÓR

𝑫𝒊𝒍𝒊, 17 𝒋𝒖ñ𝒖 2025, 𝑬𝒊𝒔 𝗣𝗼𝗿𝘁𝗮vóz 𝗔𝗴𝗼𝘀𝘁𝗶𝗻𝗵𝗼 𝗣𝗶𝗻𝘁𝗼, 𝒑𝒂𝒔𝒂 𝒊𝒉𝒂 𝒕𝒆𝒔𝒕𝒆 𝒆𝒍𝒆𝒕𝒓ó𝒏𝒊𝒌𝒖 𝑩𝒐𝒍𝒔𝒂 𝑲𝒂𝒏𝒅𝒊𝒅𝒂𝒕𝒖 Profesór 𝒊𝒉𝒂 𝒏í𝒗𝒆𝒍 𝑺𝒆𝒌𝒖𝒏𝒅á𝒓𝒊𝒂 ne’ebé hala’o 𝒊𝒉𝒂 edifísiu Komisaun 𝑭𝒖𝒏𝒔𝒂𝒖𝒏 𝑷ú𝒃𝒍𝒊𝒌𝒂, 𝑴𝒂𝒕𝒂𝒅𝒐𝒖𝒓𝒖, 𝑫í𝒍𝒊.

Agostinho Pinto ne’ebé durante ne’e nu’udar portavós ba Eis profesór Kontratadu 2023 konkorda tuir teste espesiál Bolsa Kandidatu ba Profesór sira. Portavóz ne’e rasik submete ninia dokumentu sira iha fulan Marsu liubá iha Salaun Ensinu Rekorrente Tuana laran, Díli, ba Rekursu Umanu Ministériu Edukasaun nian no prienxe rekezitu sira atu tuir teste.

Nune’e iha teste ba loron ikus nian iha 17 juñu 2025, portavós Agostinho Pinto hakat mai partisipa teste no hetan valór 68. Nudar profesór eis kontratadu 2023, nia sei hetan tan valór pontu 10 nu’udar bonus husi Ministériu Edukasaun no CFP. Ho nune’e maka totál valór Portavóz ne’e ninian sa’e ba 78 iha agrupamentu Biolojia no Jeolojia.

Atu informa mós ba públiku katak husi totál Eis Profesór Kontratadu sira 2023 nian ne’ebé mai aplika ka rejista atu tuir teste hamutuk 725 pessoas. Husi númeru ne’e 701 pessoas mak partisipa iha teste espesiál no por volta 310 mak pasa iha teste.

Husi prosesu teste to’o ninia rezultadu fó sai hatudu katak entidade sira balun ne’ebé mak durante mai ho hanoin negativu ka duun katak iha politizasaun ba prosesu teste Bolsa Kandidatu Profesór ne’e laloos. Ministeriu Edukasaun ninia pozisaun ne’ebé durante ne’e bazeia ba regra mak hanesan baibain fó sai ona, atu sai profesór hafoin tinan 2023 tenke liuhusi teste.

Ikus liu hakarak fó parabéns ba partisipante teste bolsa kandidatu profesór sira ba nível Sekundáriu Jeral no TECVOC ne’ebé pasa ona iha teste ne’e. Husu atu manán na’in sira atu akompaña nafatin avizu husi DNRH Ministériu Edukasaun kona-ba prosesu sira tuirmai.

Ba partisipante teste bolsa kandidatu sira ne’ebé seidauk pasa iha teste ne’e, Ministériu Edukasaun husu atu Ita-Boot sira keta laran taridu tanba wainhira iha vagatura iha eskola sira maka Ministériu Edukasaun hamutuk no CFP sei kontinua loke teste ba Bolsa Kandidatu Profesór sira.