Ermera, 20-09-2025
Sua Exelénsia Sekretáriu Estadu ESJ-ESTV Sr. Domingos Lopes Lemos akompaña husi Diretór Nasionál ESTV, Sr. Fernando Moujinho Gama, Koordenadór GRPP Sr. Olandinho Godinho Cerqueira partisipa iha serimónia komemorasaun aniversáriu ba dala-xxv iha EBC 20 Setembro Hatulia, Sábadu ne'e.
Iha intervensaun Sua Exelénsia Sekretáriu Estadu ESJ-ESTV Sr. Domingos Lopes Lemos hateten, loron ohin ita hamutuk iha fatin ida ne'e hodi selebra komemorasaun ba loron 20 Setembro ne'e sai hanesan istória ida ne’ebé mak ita hotu hatene (INTERFET) tun iha ita-nia rai Timor-Leste.
"Nafatin husu ba ita hotu iha fatin ida-ne’e liuliu estudante sira presiza estuda no hatene istória sira ne'ebé mak importante tebes iha ita-nia rai ida-ne'e.
Governante ne'e fó hanoin ba estudante sira iha eskola Ensinu Báziku 20 Setembro tenke aprende no komprende barak liután hodi sai ezemplu di'ak ba ema hotu.
