Ermera, 19-09-2025
Sua Exelénsia Sekretáriu Estadu ESJ-ESTV Sr. Domingos Lopes Lemos akompaña ho Diretór Nasionál ESTV Sr. Fernando Mouzinho Gama, Koordenadór GRPP Sr. Olandino Godinho Cerqueira, Diretór Nasionál Infraestrutura Edukativa Sr. Helio Lopez, Diretora Nasionál Patrimóniu Lojístika Dra. Aurelia Doutel Faria Pinto halo destribusaun materiál kadeira, meza no livru ba eskola ESTV lafaek mutin Norema Suku Asulau Sare iha Sesta-feira ne'e.
Iha intervensaun Sua Exelénsia Sekretáriu Estadu ESJ-ESTV Sr. Domingos Lopes Lemos hateten, agradese ba autoridade lokál no inan-aman sira ne'ebé mak ho entuziazmu ohin loron simu ami iha fatin ne'e maske ami la lori buat barak, maibé ami lori materiál hanesan kadeira meza no livru hodi responde ba nesesidade ne'ebé mak durante ne'e eskola preokupa.
"Tanba ne’e Ministériu Edukasaun liuhosi Sekretáriu Estadu ESJ-ESTV tau fó prioridade mós ba eskola sekundáriu tékniku vokasionál atu estudante sira aprende no aumenta sira nia koñesimentu hodi aban-bainrua sai agrikultura ida ne’ebé mak profisionál.
Governante ne'e husu ba inan-aman manorin-nain no autoridade lokál sira hotu materiál ne’ebé mak Ministériu entrega ona ba eskola husu atu ita hotu kuidadu sasán sira ne'e atu estudante sira mai aprende iha eskola hodi garantia ita nia oan sira nia futuru ho di'ak.
Iha fatin hanesan Koordenadór Interinu eskola ESTV Lafaek Mutin Norema Sr. Feliciano Martins hato’o agradese ba Sua Exelénsia Sekretáriu Estadu ESJ-ESTV Sr. Domingos Lopes Lemos ho ekipa ne'ebé mak ohin mai direta iha fatin ne'e hodi responde ba nesesidade sira ne'ebé mak durante ne'e eskola ne’e presiza iha prosesu ensinu aprendizajen.
#jornalistamario
#MédiaME
