Dili, loron 10 fulan Setembru 2025
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, distribui uniforme eskolár foun ba eskola Sekundáriu Jerál 4 de Setembro UNAMET Balide.
Iha intervensaun Sua Exelénsia Sekretáriu Estadu ESJ-ESTV hateten, ohin distribui farda eskolár foun ba eskola ida-ne’e atu nune’e estudante sira atu uza loron-loron durante prosesu aprendizajen tuir dekretu -lei ne'ebé iha, tanba ne’e, mak husu ba estudante sira atu uza uniforme refere.
"uniforme refere atu hatudu identidade eskola idak-idak nian, uniforme kor hanesan maibé logo lahanesan, eskola nia naran lahanesan, husu estudante sira atu uza ba prosesu aprendizajen", dehan Governante ne'e.
Governante ne’e mós husu ba estudante sira , bainhira simu ona uniforme ne’e, obrigatóriu tenki uza ho didi'ak, no husu ba inan-aman sira atu kopera hamutuk ho Profesór sira.
#MédiaME
Ekipa jornalista,Mario,Rita,Errik
