Díli, 09 Agostu 2025– Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál (ESG-ESTV), Sr. Domingos Lopes Lemos, akompaña husi Diretór Nasionál Ensinu Tékniku Vokasionál, Sr. Fernando Mouzinho Gama, halo partisipasaun iha zoom meeting ho Institutu Mandala husi Indonézia. Enkontru ne'e realiza iha sala VIP Ministériu Edukasaun, Vila-Verde, sábadu ne’e.
Iha enkontru virtual ida ne'e, Sua Exelénsia Sekretáriu Estadu ESG-ESTV fó enfatiza ba asuntu “Accelerating Global Connectivity and Innovation through Digital Economy and Technopreneurship”, no husu oinsá Timor-Leste prepara-an atu parti ba dezenvolvimentu teknolójiku mundiál no preparasaun atu tama ba membru ASEAN.
Atividade ne'e importante tebes iha kontestu dezenvolvimentu edukasaun no ekonomia digital iha Timor-Leste, hodi sustenta integrasaun rejionál no global.
#MediaME
#jornalistamario
