Dili, 22 Agostu 2025,
Ministériu Edukasaun liuhosi Diresaun Nasional Inkluzaun Asaun Sosiál Eskolar no Diresaun Nasionál Planu, Orsamentu no Estatístika Kontinua sensibiliza formasaun kona-ba violénsia bazeia ba jéneru ba estudante sira iha eskola 4 de Setembro UNAMET Balide, sexta-feira ne’e.
Hafoin remata abertura ba sensibilizasaun Diretór Nasional Inkluzaun Asaun Sosiál Eskolar Sr. Fernando Soares hateten, objetivu husi sensibilizasaun ne’e atu partilla formasaun ba estudante no mestre sira hodi fo koñesimentu ne’ebé mak di’ak hodi respeita malu bainhira tuir prosesu ensinu aprendizajen insentivu no kualidade ho inkluzivu.
“Atividade sensibilizasaun, ne’e hodi promove kualidade feto iha karreira professional ho nune’e feto sira bele sai feto ida ne’ebé mak potensiál iha grupu, komunidade ka instituisaun sira atu nune’e bele halo separasaun jéneru feto iha karreira professional”, Tenik Diretor DNIASE.
Diretór ne’e argumenta, sensibilizasaun ne’e sei halo kontinuasaun ba to’o iha Munisipiu sira no halo ona iha munisipiu 13, maibé la’ós ba eskola sira hotu maibé iha munisipiu ida sei hetan sensibilizasaun ba eskola ida tanba ne’e husu partisipasaun másimu hodi nune’e aprende didi’ak asuntu jéneru nian, hodi sira respeita malu iha eskola, entre alunos ho alunos no respeita manorin- na’in sira.
#JornalistaElias
#MédiaME
