Díli, 30 Agostu 2025
Ministériu Edukasaun selebra loron istóriku 30 Agostu, loron Konsulta Populár, liuhusi atividade marxa ida ne'ebé involve estudante no profesór sira. Marxa ne'e hahú husi Motael no remata ho serimónia boot ida iha Largo Lecidere, Díli.
Atividade ne'e ho objetivu atu haburas sentidu nasionalizmu no hatene istória nasaun nian ba jerasaun foun sira. Ho partisipasaun husi estudante no profesór husi eskola oioin, atividade ne'e sai hanesan demonstrasaun hodi fó respeitu ba sakrifísiu ne'ebé povu Timor-Leste halo ona iha tinan 1999 hodi hetan direitu atu ukun rasik an.
Iha serimónia remata marxa nian, iha Largo Lecidere, hatudu katak atividade edukasaun hanesan ne'e importante tebes atu estudante sira bele komprende kle'an liu istória no valór ne'ebé ita-nia nasaun harii.
Atividade komemorasaun ne'e la'ós de'it marka iha kalendáriu nasionál, maibé mós sai hanesan prezente ida ba jerasaun foun sira atu komprende kle'an liu istória no valór nasionalizmu.
#JornalistaEmiliodaCruzLopes
#MédiaME
