Dili, 10 Novembru 2025
Sua Exelénsia Ministra Edukasaun, Dra. Dulce de Jesus Soares, hamutuk ho Embaixadora Boavontade ba Asuntu Edukasaun, Dra. Kirsty Sword Gusmão, hala’o enkontru espesiál ho parseiru sira hodi ko’alia kona-ba programa Edukasaun Multilinge (EMULI), bazeia ba baze dadus ne’ebé mak iha, atu bele kontinua nia implementasaun iha tinan 2026. Enkontru ne’e realiza iha Sala Konferénsia Ministériu Edukasaun, Vila-Verde.
Iha entrevista Sua Exelénsia Ministra Edukasaun, Dra. Dulce de Jesus Soares, hateten, ohin Ministériu Edukasaun, iha enkontru espesiál ida kona-ba programa EMULI ho parseiru sira hotu ne’ebé mak durante ne’e fó apoiu ba implementasaun programa ne’e, tanba ne’e ohin halo aprezentasaun ida,-ne’ebé mak ekipa EMULI halo estudu “base line” ida atu nune’e, bele haree sai hanesan matéria baze ida ba Ministériu Edukasaun, tanba iha tinan 2026 atu hahú halo programa EMULI ne’e ba eskola hamutuk 62 bazeia ba pedidu husi eskola sira refere, tanba ne’e mak ita tenki iha kedas baze dadus ida hodi bele haree nia progresu ba oin.
“Iha labele konta istória de’it, maibé tenki iha dadus, labele si’ik de’it, maibé presiza iha dadus liuhusi peskiza, tanba ne’e Ministériu Edukasaun kaer kedas dadus baze ida, nune’e futuru bele iha kontinuasaun”, dehan S. E. Ministra Edukasaun.
Governante ne’e hatutan, Ministériu Edukasaun hala’o programa ida- ne’e, tanba bazeia ba estudu hatudu katak, bainhira labarik ida aprende husi lian ne’ebé nia komprende ona fasil liu ba nia atu komprende lian sira-seluk, liuliu iha ita-nia rai, iha obrigasaun boot mak tenki hatene lian Tetun no Portugés, tanba ne’e tenki haree mós katak natureza husi área urbana no remota lahanesan, nune’e buka dalan oinsá mak bele responde ba sira-nia prosesu aprendizajen hanesan mós ho labarik sira-ne’ebé mak iha área urbana ne’ebé ho situasaun linguístika diferente.
Parseiru dezenvolvimentu sira ne’ebé mak durante ne’e apoiu EMULI mak, husi DFAT Austrália, Care International, UNICEF, orsamentu husi Ministériu Edukasaun rasik, no daudaun ne’e Banku Mundiál mós espresa ninia intensaun atu fó apoiu inklui parseiru seluk tán.
[Portu]
MINISTÉRIO DA EDUCAÇÃO E PARCEIROS REFORÇAM BASE DDE DADOS PARA DAR CONTINUIDADE AO PROGRAMA EMULI EM 2026
Díli, 10 de novembro de 2025 — A Sua Excelência, Ministra da Educação, Dra. Dulce de Jesus Soares, reuniu-se com a Embaixadora de Boa Vontade para os Assuntos da Educação, Dra. Kirsty Sword Gusmão, e com diversos parceiros de desenvolvimento, num encontro especial dedicado ao Programa de Educação Multilíngue (EMULI). O objetivo da reunião, realizada na Sala de Conferências do Ministério da Educação, em Vila-Verde, foi analisar os dados de base disponíveis para garantir a continuidade do programa em 2026.
Em declarações à imprensa, a Ministra Dulce de Jesus Soares explicou que o encontro reuniu todos os parceiros que têm apoiado a implementação do programa EMULI, com o propósito de apresentar os resultados do estudo de base (“baseline study”) conduzido pela equipa técnica do programa.
“Precisamos de dados concretos, não apenas de narrativas. Não basta ter histórias ou perceções; é essencial dispor de informação recolhida através de investigação. Por isso, o Ministério da Educação está a consolidar uma base de dados sólida, que servirá de referência para dar continuidade ao programa no futuro”, afirmou a Ministra.
Segundo a governante, o programa EMULI será retomado em 2026 e abrangerá 62 escolas, selecionadas com base nos pedidos apresentados pelas próprias instituições. A recolha e análise de dados serão fundamentais para avaliar o progresso e garantir uma implementação eficaz.
A Ministra sublinhou ainda que os estudos demonstram a importância de o processo de aprendizagem começar numa língua que a criança compreenda bem, o que facilita posteriormente a aquisição de outras línguas, nomeadamente o tétum e o português, que são línguas oficiais em Timor-Leste.
“O contexto linguístico do país é diverso, e devemos considerar as diferenças entre as áreas urbanas e as zonas remotas. Isso ajudará a adaptar melhor o processo de ensino-aprendizagem à realidade de cada comunidade”, acrescentou.
Entre os principais parceiros que têm apoiado o EMULI destacam-se o DFAT Austrália, a Care International, a UNICEF, bem como o próprio Ministério da Educação através do seu orçamento. Recentemente, o Banco Mundial manifestou também a sua intenção de contribuir para o programa, juntamente com outros potenciais parceiros.
#MédiaME
