Díli, 25-03-2025, Sua Exelénsia Sekretáriu Estadu ESJ-ESTV Sr. Domingos Lopes Lemos, hala'o enkontru ho Prezidente INFORDEPE Sr. Domingos Martins, hodi koalia kona-ba proposta diagnóstiku ba sistema Ensinu Sekundáriu Tékniku Vokasionál nian, nomos halo avaliasaun ba projetu-pilotu formasaun dosentes, liga ba programa produtivu ESTV, iha sala VIP Vila-Verde, tersa-feira ne’e.
iha intervensaun Sua Exelensia Sekretáriu Estadu ESG-ESTV nian hateten katak, diagnóstika ba sistema Ensinu Sekundáriu Tékniku Vokasionál ne'e importante teb-tebes, tanba hosi rezultadu diagnóstika ida ne'e, mak sei ajuda Ministériu Edukasaun halo investimentu ida mais sertu, efisiente no efikasia.
Objetivu husi enkontru ida ne'e, atu tau hamutuk hanoin no hamosu estratejia sira ba melloramentu formasaun iha futuru, liu-liu liga ba kontinuasaun formasaun ba dosentes no konsentrasaun ba diagnóstika iha sistema Ensinu Sekundáriu Tékniku Vokasionál. No aprezentasaun programa Ajensia Brazileiru Cooperasaun (ABC) Brazil ba Timor-Leste.
Enkontru ne’e partisipa hosi, Diretor Jerál Ensinu Sekundáriu, Sr. Deolindo da Cruz, Diretor Nasionál ESTV Sr. Fernado M. Gama, asesor Gabinete Sekretáriu Estadu ESG-ESTV Sr. Agustinu Lay, asesora Gabinete Ministra Edukasaun Sr. Rosa Soares, Xefe Gabinete Sekretáriu Estadu ESG-ESTV Sr. Napoleão de Araújo Santos Lima, Prezidente INFORDEPE Sr. Domingos Martins ho dirijente Infordepe tomak.
#MédiaME
