Maliana, 13 Dezembru 2025
Sua Exelénsia Ministra Edukasaun, Dra. Dulce de Jesus Soares, hamutuk ho Reitór Instituto São João de Brito (ISJB), Reverendu Pe. Isaías Abilio Caldas, Komisária Komisaun Funsaun Públika, Sra. Anita Tavares Ribeiro de Jesus, Prezidente INFORDEPE, Sr. Domingos Martins, PNTL no Diretór Edukasaun Munisípiu sira, enserra serimónia Kursu Formasaun Preparatória ba profesór foun sira husi nível Ensinu Sekundáriu Jerál no Tékniku Vokasionál, iha ESTV Agríkola-Corluli, Moleana, Munisípiu Bobonaro.
Iha entrevista, Sua Exelénsia Ministra Edukasaun, Dra. Dulce de Jesus Soares, hateten, ohin marka prezensa iha-ne’e hodi halo enserramentu formasaun ba profesór foun sira husi Ensinu Sekundáriu Jerál no Tékniku Vokasionál hamutuk na’in 125. Espera ho formasaun durante semada ida iha fatin ne’e, bele hasa’e liután sira-nia koñesimentu iha ensinu aprendizajen.
“Ita iha espetativa boot, katak ita bele hetan kualidade edukasaun, liuliu iha nível Ensinu Sekundáriu Jerál no Tékniku Vokasionál, tanba foin ba dahuluk ita iha profesór foun ne’ebé kualifikadu liuhusi teste no sira ne’e mak ema eskollidu bazeia ba regra ne’ebé Ministériu Edukasaun no Komisaun Funsaun Públika halo”, dehan S. E. Ministra Edukasaun.
Governante ne’e hatutan, formasaun ida-ne’e la’os Ministériu Edukasaun de’it mak fó, maibé iha kooperasaun ho Institutu São João de Brito no mós halo kooperasaun ho Polícia Nacional de Timor-Leste (PNTL), hodi hanorin mós ba profesór sira kona-ba orden unida ka formasaun karater. Nune’e, bele jere estudante sira iha tempu isár bandeira ka iha atividade seluk ne’ebé nesesáriu.
“Tuir planu ne’ebé mak iha, karik la iha impedimentu ruma, sei realiza serimónia tomada de posse ba profesór foun sira hamutuk 625 ba Ensinu Sekundáriu Jerál no Tékniku Vokasionál iha loron 29 fulan dezembru 2025 no sei koloka ba eskola sira ne’ebé mak identifika ona tuir kuadru pesoál”, dehan S. E. Ministra Edukasaun.
Iha fatin hanesan, Reitór Instituto São João de Brito (ISJB), Reverendu Pe. Isaías Abilio Caldas, hateten, lori Instituto São João de Brito nia naran, fó parabéns ba profesór sira husi faze dahuluk no daruak, tanba konklui ona formasaun, ne’ebé nakonu ho pasiénsia iha formasaun prepratóriu ne’e, antes koloka ba eskola sira ne’ebé iha tuir kuadru pesoál.
“Parabéns ba ita-boot sira, tanba konklui ona formasaun ne’e durante semana ida hodi aprende lisaun barak, inklui formasaun karater ho forma semi-militár atu iha mentalidade ne’ebé di’ak, hodi forma fila-fali timoroan sira ba futuru nasaun nian”, dehan Reitór ISJB.
Iha fatin hanesan, Komisária Komisaun Funsaun Públika, Anita Tavares Ribeiro de Jesus, hateten, Komisaun Funsaun Públika iha nia planu ba reforma ba jestaun rekursu umanu iha administrasaun públika, atividade formasaun no kapasitasaun ba rekursu umanu konstitui mós komponente esensiál ida-ne’ebé buka atu atinji. Nune’e, formasaun ne’ebé realiza ona rejista mós hanesan parte importante, integrante husi reforma ne’ebé maka introdús dadaun ona.
“Komisaun Funsaun Públika hakarak hameno ba ita-boot sira katak, servisu tuir ragulamentu no prosedimentu sira ne’ebé mak estabelese no formasaun karater ne’ebé mak ita-boot sira hetan ona durante semana ida iha fatin ne’e, presiza mantein atu bele hanorin ita-nia oan sira ho di’ak”, dehan Komisária.
Aleinde ne’e, Prezidente INFORDEPE, Sr. Domingos Martins, hateten, polítika governu Konstitusionál da-9, liuhusi Ministériu Edukasaun kona-ba rekrutamentu bolsa kandidatu, mosu modalidade formasaun prepratóriu, bazeia ba diploma ministeriál n.0.5/2025 24 fevereiru, hodi atribui responsabilidade ida ba Gabinete Formasaun Akadémika, atu halo knaar ida-ne’e .
“INFORDEPE hetan orientasaun husi Sua Exelénsia Ministra Edukasaun no Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál ho objetivu atu fornese formasaun ba profesór sira hodi fortifika ita-boot sira-nia postura hanesan profesór iha área pedagojia, jestaun sala-aula no mós formasaun karater”, dehan Prezidente INFORDEPE.
[PORTU]
MINISTÉRIO DA EDUCAÇÃO ENCERRA FORMAÇÃO PREPARATÓRIA PARA NOVOS PROFESSORES NA ESTV AGRÍCOLA DE CORLULI
Maliana, 13 de dezembro de 2025 – Sua Excelência a Ministra da Educação, Dra. Dulce de Jesus Soares, em conjunto com o Reitor do Instituto São João de Brito (ISJB), Reverendo Pe. Isaías Abílio Caldas, a Comissária da Comissão da Função Pública, Sra. Anita Tavares Ribeiro de Jesus, o Presidente do INFORDEPE, Sr. Domingos Martins, a PNTL e os Diretores Municipais de Educação, encerrou a cerimónia do Curso de Formação Preparatória para novos professores do Ensino Secundário Geral e do Ensino Técnico-Vocacional, realizada na ESTV Agrícola de Corluli, em Moleana, Município de Bobonaro.
Em entrevista, a Ministra da Educação referiu que a sua presença visou assinalar o encerramento da formação destinada a 125 novos professores do Ensino Secundário Geral e Técnico-Vocacional. Manifestou a expectativa de que a formação, realizada ao longo de uma semana, contribua para o reforço dos conhecimentos pedagógicos e das práticas de ensino-aprendizagem.
“Temos uma grande expectativa de alcançar uma educação de qualidade, sobretudo ao nível do Ensino Secundário Geral e Técnico-Vocacional, uma vez que se trata de novos professores qualificados, selecionados através de testes e de um processo baseado nas normas definidas pelo Ministério da Educação e pela Comissão da Função Pública”, afirmou a Ministra.
A governante sublinhou ainda que esta formação não foi promovida apenas pelo Ministério da Educação, mas resultou de uma cooperação com o Instituto São João de Brito e com a Polícia Nacional de Timor-Leste (PNTL), incluindo componentes de ordem unida e formação de carácter. O objetivo é capacitar os docentes para a gestão dos estudantes em momentos como o içar da bandeira e noutras atividades necessárias.
“De acordo com o plano estabelecido, caso não surja qualquer impedimento, a cerimónia de tomada de posse de 625 novos professores do Ensino Secundário Geral e Técnico-Vocacional terá lugar no dia 29 de dezembro de 2025, seguindo-se a colocação nas escolas identificadas de acordo com o quadro de pessoal”, acrescentou.
Por sua vez, o Reitor do Instituto São João de Brito, Reverendo Pe. Isaías Abílio Caldas, em nome da instituição, felicitou os professores das fases inicial e final pela conclusão da formação, destacando a paciência e o empenho demonstrados ao longo do processo preparatório, antes da colocação efetiva nas escolas.
“Parabéns a todos por terem concluído esta formação de uma semana, durante a qual adquiriram diversos conhecimentos, incluindo a formação de carácter em regime semi-militar, com vista ao desenvolvimento de uma mentalidade positiva para a formação das futuras gerações timorenses”, referiu.
No mesmo contexto, a Comissária da Comissão da Função Pública, Anita Tavares Ribeiro de Jesus, destacou que a Comissão tem em curso um plano de reforma da gestão de recursos humanos na Administração Pública, no qual a formação e a capacitação constituem componentes essenciais. Nesse sentido, a formação agora concluída integra-se como parte relevante da reforma em implementação.
“A Comissão da Função Pública apela a todos para que cumpram os regulamentos e procedimentos estabelecidos e mantenham a formação de carácter adquirida durante esta semana, de modo a poderem educar bem os nossos alunos”, frisou.
Por fim, o Presidente do INFORDEPE, Domingos Martins, explicou que, no âmbito da política do IX Governo Constitucional, através do Ministério da Educação, relativa ao recrutamento de candidatos bolseiros, foi introduzida a modalidade de formação preparatória, com base no Diploma Ministerial n.º 5/2025, de 24 de fevereiro, atribuindo ao Gabinete de Formação Académica a responsabilidade pela sua implementação.
“O INFORDEPE recebeu orientações de Sua Excelência a Ministra da Educação e de Sua Excelência o Secretário de Estado do Ensino Secundário Geral e do Ensino Secundário Técnico-Vocacional, com o objetivo de fornecer formação aos professores para reforçar as suas competências pedagógicas, a gestão da sala de aula e a formação de carácter”, concluiu.
#MédiaME
