Dili, 15 Dezembru 2025 – Sua Exelénsia Ministra Edukasaun, Dra. Dulce de Jesus Soares, hamutuk ho Unidade Kurrikulu Nasionál, hala’o enkontru ho Sua Exelénsia Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano ASSANAMI Sabino hodi aprezenta rezultadu ezame nasionál, iha Sala Enkontru V-PM, Palásiu Governu.
Iha entrevista, Sua Exelénsia Ministra Edukasaun, Dra. Dulce de Jesus Soares, hateten, Ministériu Edukasaun liuhosi Unidade Kurrikulu Nasionál mai aprezenta ba Sua Exelénsia Sr. Vise-Primeiru Ministru kona-ba rezultadu ezame nasionál ba tinan 2025, atu hetan orientasaun ruma antes fó sai ba públiku. Tanba ne’e, ohin hetan ona aprovasaun no aban dadeer hakarak konvida média hotu-hotu atu bá iha Ministériu Edukasaun hodi halo konferénsia imprensa kona-ba avizu ba rezultadu ezame nasionál ba tinan ida-ne’e.
“Servisu importante liu maka Ministériu Edukasaun tenki hetan rezultadu di’ak ida ba estudante sira no atu fó enjerál de’it katak rezultadu tinan ida- ne’e hatudu iha avansu iha dezempeñu estudante sira, nune’e mós dezempeñu profesór sira, maibé husu ba profesór sira no mós ba komunidade edukativa liuliu ba inan-aman sira no estudante sira atu haka’as-an liután, nunee iha tinan oin bele iha rezultadu ne’ebé mak di’ak liután”, dehan S. E. Ministra Edukasaun.
Governante ne'e akresenta, ohin loron ami mai aprezenta no hetan koñesimentu husi Sua Exelénsia Sr. Vice -Primeiro Ministro, no hetan aprovasaun aban dadeer hakarak konvida média hotu-hotu iha Timor atu bá iha Ministériu Edukasaun atu halo konferénsia pers kona-ba avizu ba rezultadu ezame nasionál ne’ebé maka tinan ida-nee ita sei la aviza, maibé ita halo avizu ba mellores de’it inklui mós sei halo avizu ba hotu média husi dezempeñu estudante nian iha kada eskola.
Iha fatin hanesan, Sua Exelénsia Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano ASSANAMI Sabino, hateten, parte governu husu ba inan-aman, profesór no estudante sira, hotuhotu koopera, tanba iha estudante balun la pasa iha ezame nasionál. Karik balun laliu, ne’e parte ida atu esforsu-an atu tinan oin bele pasa, tanba edukasaun forma ema atu sai ema, liuliu iha dixiplina, respeita no esforsu.
“Ohin ami avalia ona katak, karik iha estudante ida ka rua laliu, ne’e mós dalabarak mai tuir de’it ezame, husu atu labele hanesan ne’e, tanba edukasaun forma ema sai ema, forma ema ho aspetu oin-oin, la’os atu hetan de’it valór, maibé forma ema atu iha dixiplina, ativa no aprende ho didi’ak. Karik balun laliu, ne’e parte ida atu esforsu-an atu tinan oin bele pasa”, dehan V-PM.
[PORTU]
MINISTÉRIO DA EDUCAÇÃO APRESENTA RESULTADOS DO EXAME NACIONAL DE 2025 AO VICE-PRIMEIRO-MINISTRO
Díli, 15 de dezembro de 2025 – Sua Excelência a Ministra da Educação, Dra. Dulce de Jesus Soares, em conjunto com a Unidade Curricular Nacional, reuniu-se com Sua Excelência o Vice-Primeiro-Ministro, Ministro Coordenador dos Assuntos Sociais e Ministro do Desenvolvimento Rural e Habitação Comunitária, Mariano Assanami Sabino, para apresentar os resultados do Exame Nacional de 2025. O encontro teve lugar na Sala de Reuniões do Vice-Primeiro-Ministro, no Palácio do Governo.
Em declarações à imprensa, a Ministra da Educação afirmou que o Ministério da Educação, através da Unidade Curricular Nacional, apresentou os resultados do Exame Nacional de 2025 ao Vice-Primeiro-Ministro com o objectivo de obter orientações antes da sua divulgação pública. Segundo a governante, os resultados já receberam aprovação e, por esse motivo, o Ministério irá convidar todos os órgãos de comunicação social para uma conferência de imprensa a realizar-se no Ministério da Educação, onde será feito o anúncio oficial dos resultados.
“A principal missão do Ministério da Educação é garantir bons resultados para os estudantes e, de um modo geral, os resultados deste ano revelam progressos no desempenho dos alunos, bem como no desempenho dos professores. Ainda assim, apelamos aos docentes e a toda a comunidade educativa, em especial aos pais e encarregados de educação e aos estudantes, para reforçarem o seu empenho, de modo a que, no próximo ano, se possam alcançar resultados ainda melhores”, afirmou a Ministra.
A governante acrescentou que, após a apresentação e tomada de conhecimento por parte do Vice-Primeiro-Ministro, foi concedida autorização para a realização da conferência de imprensa, na qual serão divulgados não apenas os resultados globais, mas também o desempenho dos estudantes por escola.
Por sua vez, o Vice-Primeiro-Ministro, Ministro Coordenador dos Assuntos Sociais e Ministro do Desenvolvimento Rural e Habitação Comunitária, Mariano Assanami Sabino, apelou à cooperação de pais, professores e estudantes, salientando que alguns alunos não obtiveram aprovação no Exame Nacional. Segundo o governante, esses casos devem ser encarados como um incentivo ao esforço, para que no próximo ano seja possível alcançar a aprovação, sublinhando que a educação tem como finalidade formar cidadãos, especialmente no que respeita à disciplina, ao respeito e ao empenho.
“Hoje avaliámos que, mesmo que haja um ou dois estudantes que não tenham passado, isso deve servir de motivação para um maior esforço no futuro. A educação não serve apenas para obter classificações, mas para formar pessoas íntegras, com disciplina, atitude activa e capacidade de aprender de forma correcta. Quem não passou deve encarar isso como parte do caminho para melhorar e alcançar o sucesso no próximo ano”, afirmou o Vice-Primeiro-Ministro.
#MédiaME
