Atividade Sosializasaun Programa intensivu realiza iha Postu Turiskai, iha loron dia 12 fulan maiu tinan 2025, Dezaminasaun Programa Intensivu ne’e halao hosi Diresaun Nasionál Edukasaun Pre-Eskolár.
Objetivu implementasaun programa intensivu ne’e atu tulun labarik sira ne’ebé la iha oportunidade asesu ba eskola formal, ho nune’e liu hosi programa intensivu bele tulun sira molok asesu ba ensinu basiku, aliende ne’e hasae taxa partisipasaun labarik sira iha pre-eskolár no Ensinu Báziku.
Durasaun implementasaun programa intensivu sei halao durante semana 15 ou kobre ba loron 75, alvu ba programa ne’e labarik sira ho otas tinan 5 to’o tinan 7, la taka dalan mos ba labarik sira ho otas tinan 4 ba leten.
Manual ba Implementasaun programa intensivu ajusta ona ho planu seisaun pre-eskolár nian no kurikulu 1O Siklu ensinu báziku nian.
Hetan partisipasaun máximu husi Autoridade lokál, Direjente eskolas hosi EB no EPE no mos Diretora Servisu Munisípal Edukasaun Manufahi.
Alvu implementasaun programa intensivu iha postu turiskai sei implementa iha suku 7 mak hanesan tuir mai;
Suku Mindelio, Suku Orana, Suku Fatulau, Suku Fatucalo, suku Lesuata, Suku Matorec no Suku Beremana.
