Liquiça – sexta-feira, 19 Setembru 2025,
Iha tuku 2 madrugada sexta-feira, loron 19 fulan Setembru 2025 ema deskoñesidu tenta sunu edifísiu eskola CAFE iha Liquiça -Vila, Munisípiu Liquiça maibé guarda eskola halo atuasaun direta ba ahi ne’ebé komesa lakan no han dadaun ona kurtiña no fluxu janela.
Enkuantu ekipa husi Ministériu Edukasaun liuhusi Sub-inspetór Jerál Edukasaun, Superintendente no ekipa média tun kedas ba terenu hodi observa kondisaun eskola no identifika estragu sira. Enkuantu tuir observasaun direita ba estragu sira mak hanesan ahi han motuk kurtiña janela 2, Kadeira 2, meza 3 no fluxu janela 2.
Hafoin vizita fatin akontesimentu, Sub-Inspetór Jeral Edukasaun Sr. Redolfo Verdial Esklarese, “ekipa halo ona fiskalizasaun ba fatin akontesimentu no aprezenta ona ba Parte investigasaun no Kuartél Polísia Munisípiu ninian no oras ne’e dadauk sira sei halo hela investigasaun ba insidente ne’e”
Enkuantu iha intervista Guarda eskola Sr. Mateus Charles dos Santos haktuir, akontesimentu iha tuku 02:10 madrugada husi ema deskoñesidu na'in rua ne'ebé falun an metin.
" Hau toba besik iha sorin horon ahi han iis mak hau besik ba haree ahi mós komesa lakan bo’ot ona, hau hetan duni ema nain 2 falun oin metin maibe hau la duni tuir sira no hau desidi hamate ahi hodi salva eskola ne’e deit” Guarta Eskola konta.
Aleinde ne’e Koordenadora Interina eskola CAFE Likisa-Vila, Engraçia Costa espresa, “triste no laran moras hare’e ba akontesimentu ida ne’e, nasaun ne’e ukun-an ona la presiza sira ne’e atu akontese tan ona, hau espera katak iha investigasaun tuir ita bele ema bandalizmu sira ne’e”
Maske ho situasaun nune’e maibe estudante sira nafatin vontade ba prosesu aprendizajen no espíritu apreendizajen iha eskola refere kontinua la’o normal.
#JornalistaMateus&Elias
#MédiaME
