Covlima, 24 Setembru 2025
Ministériu Edukasaun liuhusi Diresaun Nasionál Sub-Inspesaun Gerál hamutuk ho Servisu Edukasaun Munisipál, realiza enkontru hamutuk ho manorin, Autoridade Postu Administrativu Tilomar, Xefe Suku Beiseuc, Xefe Aldeia Baer no komunidade sira, hodi ko’alia kona-ba problema disputa rai eskola nian.
Liuhusi asembleia entre autoridade lokál, komunidade no dirijente sira husi Ministériu Edukasaun, hetan solusaun ne’ebé pozitivu, tanba komunidade hotu husi Aldeia Baer la hatan atu taka eskola Ensinu Báziku Filiál Baer atu sira-nia oan bele asesu ba edukasaun, no husi asembleia ne’e komunidade sira simu malu fali ho situasaun paz no dame nia laran.
Bazeia ba akta ne’ebé iha katak, laiha pesoál ida atu rekere eskola EBF Baer iha loron ikus. Karik akontese rekere rai refere iha loron ikus presiza hala'o no hatan prosesu legál bazeia ba Lei Konstituisaun RDTL, ne'ebé iha. Tuir MAPA husi Terraspropriedades Munisípiu Covalima katak, rai refere la’os pesoál ne’e nian.
#MédiaME
