Ermera, 09-01-2026
Sua Exelénsia Ministru Edukasaun Interinu Sr.Domingos Lopes Lemos halo abertura ba eskola EBC no ESTV Ahisaun São José Railaco Leten iha Sesta-feira ne'e.
Iha diskursu Sua Exelénsia Ministru Edukasaun Interinu Sr.Domingos Lopes Lemos hateten ho onra boot no sentidu responsabilidade ne'ebé kele’an mak hau dirije ba ita hotu selebra abertura ba edifísiu no sala-de-aula sira-ne'e hodi realiza mehi koletivu ida ba estudante sira iha ita-nia rai ida-ne’e. "Ho nia tema hau-nia abilidade mak ha'u-nia osan-mean, lori ha'u ba futuru."
"Tanba ne'e, Ministériu Edukasaun nia kompromisu atu fó apoiu ba inisiativa sira ne'ebé promove inkluzaun no formasaun tékniku ba servisu sira hanesan “Ahisaun Disability Foundation”, hodi asegura katak edukasaun téknika no inkluzivu to'o ba Munisípiu hotu-hotu iha nasaun Timor-Leste."Dehan Governante ne'e"
Governante ne’e nafatin apela ba profesór no formadór sira ne'ebé mak marka prezensa iha ne'e sai ezijente, no inspiradór hodi promove metodolojia sira ne'ebé prátiku, inkluzivu, no sentradu iha estudante sira hodi rekoñese joven ida-idak nia pontensiál no kria ambiente aprendizajen ne'ebé seguru, estimulante no respeitu.
JornalistaEurico
#MediaME.
#J.Amaral,
