Baucau, 02 Maiu 2026
Sua Exelénsia Ministra Edukasaun Dra.Dulce de Jesus Soares ho Prezidente Autoridade Munisípiu Baucau Sra Veneranda Lemos akompaña ekipa pedagójika aprezenta rezultadu teste EGRA (Early Grade Reading Assessment) no EGMA (Early Grade Mathematics Assessment) ne'ebé ekipa pedagójika husi Ministériu Edukasaun halo ba estudante sira iha eskola hotu iha munisipiu Baucau.
Iha abertura, Sua Exelénsia Ministra Edukasaun Dra.Dulce de Jesus Soares hatete, teste ida-ne'e hala'o ho objetivu ida deit, atu haree to'o ne'ebé nivél literasia no numerasia husi estudante sira hotu iha ensinu báziku, espesialmente ba estudante klase ida to'o tolu.
" Ohin halibur malu iha fatin ida-ne'e atu haree no rona aprezentasaun ba avaliasaun literasia no numerasia fundamental ba klase ida to'o tolu iha ensinu báziku", dehan Ministra
Iha sorin seluk, Exelénsia Prezidente Autoridade Munisípiu Baucau Sra Veneranda Lemos argumenta, estudante atu hetan valór di'ak presiza profesór sira tenki hanorin ho fuan no dedikasaun tomak.
" Hau husu Baucau oan sira atu fó liman ba malu hodi hateke ba futuru estudante sira tanba Munisípiu Baucau atu hetan podér lokál, xave importante ida maka edukasaun tenki garante kualidade ba futuru", PAM husu.
Nune'e rekorda fali katak rezultadu mini EGRA no EGMA ne'ebé ekipa pedagójika aprezenta ba munisípiu hotu, mai husi teste ida-ne'ebé ekipa pedagójika hala'o iha territoriu nasionál husi fulan fevereiru no marsu tinan 2026.
[PORTU]
MINISTRA DA EDUCAÇÃO E PRESIDENTE DA AUTORIDADE MUNICIPAL DE BAUCAU ACOMPANHAM APRESENTAÇÃO DOS RESULTADOS DOS TESTES EGRA E EGMA
Baucau, 2 de maio de 2026
A Ministra da Educação, Dulce de Jesus Soares, e a Presidente da Autoridade Municipal de Baucau, Veneranda Lemos, acompanharam a equipa pedagógica na apresentação dos resultados dos testes EGRA (Early Grade Reading Assessment) e EGMA (Early Grade Mathematics Assessment), realizados junto dos alunos das escolas do município de Baucau.
Na sessão de abertura, a Ministra da Educação afirmou que o teste teve como principal objetivo avaliar o nível de literacia e numeracia dos estudantes do ensino básico, em particular dos alunos do 1.º ao 3.º ano de escolaridade.
“Reunimo-nos hoje neste local para observar e ouvir a apresentação da avaliação da literacia e numeracia fundamentais dos alunos do 1.º ao 3.º ano do ensino básico”, declarou a governante.
Por seu turno, a Presidente da Autoridade Municipal de Baucau sublinhou que o bom desempenho dos estudantes depende do empenho e da dedicação dos professores no processo de ensino.
“Apelo à população de Baucau para que trabalhe em conjunto com vista ao futuro dos estudantes, pois, no quadro da autonomia local do município, a educação constitui um elemento-chave para garantir qualidade no futuro”, afirmou.
Recorde-se que os resultados do mini EGRA e EGMA agora apresentados aos municípios resultam de avaliações conduzidas pela equipa pedagógica do Ministério da Educação em todo o território nacional, durante os meses de fevereiro e março de 2026.
#EliasdaCosta
#MédiaME
