Dili, loron 19 Marsu 2026
Ministériu Edukasaun liuhusi Sua Exelénsia Ministra Edukasaun Dra.Dulce de Jesus Soares no akompaña husi Vise-Ministra Finansas Sra. Regina de Jesus de Sousa simu ekipamentu no materiál mobiliáriu sira husi Governu Estadus Unidus liuhusi MCC, iha sala konferénsia Ministériu Edukasaun Vila-Verde.
Iha Diskursu Sua Exelénsia Ministra Edukasaun Dra.Dulce de Jesus Soares hatete, dezde tinan hirak ona Estadus Unidus Amérika sai parseiru ne’ebé laran-metin ba Ministériu Edukasaun. Sira apoia ministériu nia esforsu ba kurríkulu iha nível hotu-hotu liuhusi atividade oioin, hanesan sosa instrumentu tradisionál ba eskola sira atu hala’o lisaun arte no kultura, to’o haruka Espesialista Lia-Inglés ida mai hodi hakerek ita-nia kurríkulu Inglés no fó formasaun ba profesór Inglés sira iha klase 7 to'o 9.
" Foin lalais ne’e mós, ami rona katak Governu Amérika sei ajuda liután iha kestaun infraestrutura eskola nian no ami hahú projetu MCC ho esperansa boot, tanba ninia alvu mak ensinu sekundáriu. Setór ida-ne’ebé susar atu atrai doadór sira, maibé importante tebes ba dezenvolvimentu ekonómiku no forsa de traballu iha ita-nia rain. Tan ne’e, loos-duni, hanesan Ministra Edukasaun, ha’u triste tanba projetu ida-ne’e sei la kontinua", SE Ministra Esplika.
Governante ne'e aprofunda, ministériu nafatin iha esperansa, no fiar katak sei kontinua hametin parseria ho Governu Amérika liuhusi dalan seluk ne’ebé benefisiozu no fiar katak sei kontinua hametin kualidade ensinu sekundáriu no tékniku-vokasionál nian, liuhusi reforma kurríkulu, fornese ekipamentu, no formasaun ba profesór sira.
" Ha’u komprende katak ohin entrega mai ami mobiliáriu ba eskola no eskritóriu, no ha’u bele hatete sinseramente katak oras ne’e dadauk ami simu ona pedidu barak ba mobiliáriu eskola sekundária nian, tan ne’e sasán sira-ne’e sei fahe kedas ho lalais. Ekipamentu IT no komputadór mós presiza tebes iha nivel hotu hotu husi nivel nasionál to’o eskola", tenik SE Ministra
Ministériu no INFORDEPE ne’ebé sei simu mobiliáriu no ekipamentu sira-ne’e, atu garante sira-nia manutensaun no kuidadu ho didi’ak. sasán ne’e la’ós prezente, maibé instrumentu esensiál atu ajuda ita foti sa’e kualidade ensinu-aprendizajen, hadi’ak kualidade profesór nian, no fó apoiu esensiál ba nivel ensinu sekundáriu no tékniku-vokasionál. Imi sei la simu tan buat seluk se la fó kuidadu buat ne’ebé iha ona
[PORTU]
MINISTÉRIO DA EDUCAÇÃO RECEBE EQUIPAMENTOS E MOBILIÁRIO DO GOVERNO DOS ESTADOS UNIDOS
Díli, 19 de março de 2026 – O Ministério da Educação, através de Sua Excelência a Ministra da Educação, Dra. Dulce de Jesus Soares, acompanhada pela Vice-Ministra das Finanças, Sra. Regina de Jesus de Sousa, recebeu equipamentos e mobiliário do Governo dos Estados Unidos da América, no âmbito do programa MCC, numa cerimónia realizada na sala de conferências do Ministério da Educação, em Vila Verde.
No seu discurso, a Ministra da Educação destacou que, ao longo dos anos, os Estados Unidos da América têm sido um parceiro sólido e comprometido com o Ministério da Educação, apoiando os esforços de desenvolvimento curricular em todos os níveis de ensino através de diversas iniciativas. Entre estas, salientou a aquisição de instrumentos tradicionais para as escolas, com o objetivo de reforçar o ensino das artes e da cultura, bem como o envio de um especialista de língua inglesa para apoiar a elaboração do currículo de Inglês e a formação de professores do 7.º ao 9.º ano de escolaridade.
“Recentemente, fomos também informados de que o Governo norte-americano tenciona reforçar o apoio no domínio das infraestruturas escolares. Iniciámos o projeto MCC com grande expectativa, dado que o seu foco incide no ensino secundário — um setor que, apesar de essencial para o desenvolvimento económico e da força de trabalho do país, enfrenta dificuldades em atrair doadores. Por isso, enquanto Ministra da Educação, lamento que este projeto não tenha continuidade”, afirmou.
A governante acrescentou que o Ministério mantém a esperança de continuar a fortalecer a parceria com o Governo dos Estados Unidos, através de outras vias igualmente benéficas, sublinhando a importância de prosseguir a melhoria da qualidade do ensino secundário e técnico-vocacional, nomeadamente através da reforma curricular, do fornecimento de equipamentos e da formação de professores.
A Ministra referiu ainda que o mobiliário agora entregue será rapidamente distribuído, tendo em conta o elevado número de pedidos já existentes, sobretudo ao nível do ensino secundário. “Os equipamentos informáticos e computadores são igualmente muito necessários em todos os níveis, desde o nível nacional até às escolas”, salientou.
O Ministério da Educação e o INFORDEPE, enquanto entidades beneficiárias, comprometem-se a assegurar a manutenção e a boa utilização dos equipamentos recebidos. A responsável sublinhou que estes bens não devem ser encarados como simples doações, mas sim como instrumentos essenciais para melhorar a qualidade do ensino e da aprendizagem, elevar o desempenho dos professores e apoiar o desenvolvimento do ensino secundário e técnico-vocacional.
“Não receberemos mais apoios se não cuidarmos devidamente do que já temos”, concluiu
#EliasdaCosta
#MédiaME
