Dili, Kinta-feira, 19 Marsu 2026
Ministériu Edukasaun liu-husi Diretora Jerál planu, polítika, inkluzaun no informátika (DJ-PPII), Sra. Odilia das Dores Ung Martins, Presidente Infordepe Sr. Domingos Martins no Diretór Nasionál Edukasaun Inklusiva no Asaun Sosiál Eskolár (DNEIASE) Sr. Fernando Soares hamutuk ho Parseiru Dezenvolvimentu sira halo abertura kona-ba Sorumutu Konsultasaun Nasionál ba Edukasaun Inkluzivu”, iha Hotel Timor.
Tuir Diretora Jerál planu, polítika, inkluzaun no informátika (DJ-PPII) Sra. Odilia das Dores Ung Martins dehan, governu iha tinan 2017 hasai ona dekretu governu nian ne'ebé hatúr edukasaun inkluzivu sai hanesan prioridade ida ne'ebé, tenke konsidera ba atividade sira no atu atinji meta sira iha kualidade edukasaun no sei la husik ema ida iha kotuk inklui oan sira neebé ho nesesidade espesiál.
“Ohin loron sai hanesan momentu importante ida, tanba ita bele diskuti no tau hanoin hamutuk ba saida mak ita presiza no konsidera di'ak liután iha futuru nian liga ho edukasaun inkluziva ”. Dehan diretora ne'e
Diretora salienta, bainhira ko’alia kona-ba edukasaun inkluzivu ne'e meiu simples ida ne'ebé bele halo hodi transforma ba oan sira, hanesan iha aula laran presiza inklui tama iha prosesu aprendizajen sira ne'ebé agora estabelese hela.
"Bainhira hasoru oan sira ne'ebé ladun rona di’ak husu kolega ne'ebé tur besik ho sira atu bele tulun no sira ne'ebé haree ladun mos tau sira ba tur iha oin hodi besik iha kuadru nunee bele aprende ho diak", tenik Diretora.
Diretora ne'e, husu dirijente no parseiru, organizasaun sira atu utliza oportunidade ida-ne'e ho di’ak hodi fó hanoin nomós fahe esperiénsia liuliu ba grupu ema ho difisiénsia sira-nia kontribusaun atu bele hariku diak liután, ita-nia planu ba edukasaun inkluzivu ho diak tanba ita bot sira nia ideia mak bele kontribui oinsá mak ita bele hadia kualidade edukasaun ho envolvimentu oan sira iha nesesidade espesiál iha prosesu aprendizajen.
Iha abertura ida-ne'e hetan partisipa husi superientendente no diretór edukasaum munisípiu hamutuk ho parseiru dezenvolvimentu hanesan Partnership For Human Deveolpment-PHD, Klibur Defisiénsia Tilun Timor-Leste (KDTL), Asosiasaun Defisiénsia Timor-Leste (ADTL), RHTO no AHDMTL.
# Jornalistasiga
# MÉDIA-ME
