Manufahi, 22 Jullu 2026 – Ministériu Edukasaun, liuhosi Institutu Nasionál Formasaun Dosente no Profisionál Edukasaun (INFORDEPE), promove formasaun kona-ba implementasaun kurríkulu foun ba Ensinu Báziku Siklu Datoluk, ne’ebé dirije ba manorin sira ne’ebé hanorin klase 8 iha Munisípiu Manufahi.

Durante formasaun, reprezentante Diretora Munisipál Edukasaun Manufahi no Xefe Departamentu Ensinu, Casamira dos Reis Nunes, haktuir importánsia inisiativa ida-ne’e ba manorin sira iha Munisípiu Manufahi, tanba formasaun ne’e fó oportunidade ba sira atu kompriende di’ak liután kona-ba kurríkulu foun no aplika métodu hanorin ne’ebé apropriadu liután iha sala aula.
“Ha’u hein katak manorin hotu-hotu ne’ebé partisipa iha formasaun ida-ne’e bele uza koñesimentu no esperiénsia ne’ebé sira hetan durante formasaun atu hadi’a prosesu aprendizajen iha eskola ida-idak.

Ho nune’e, ita bele hametin kualidade edukasaun no prepara di’ak liután estudante sira ba sira-nia futuru”, dehan reprezentante Diretora Munisipál Edukasaun Manufahi, durante abertura formasaun ne’ebé hala’o iha Eskola Bázika Sentrál (EBC) 1, 2 no 3 Diligência, Postu Administrativu Same.

Entretantu, manorin dixiplina Literasia iha Lian Tetun, Jaime Lobato, hatete katak formasaun ne’e sai hanesan preparasaun importante ba manorin sira atu kompriende di’ak liután kurríkulu foun, liuliu kona-ba planeamentu aula, métodu ensinu no aprendizajen, no sistema avaliasaun ne’ebé sei implementa iha klase 8.
“Ha’u sente kontente tebes tanba hetan oportunidade atu partisipa iha formasaun ida-ne’e, tanba ha’u bele aprende oinsá atu prepara planu aula tuir orientasaun kurríkulu foun, uza métodu ensinu ne’ebé envolve estudante sira atu partisipa ativu iha atividade sira iha sala aula, no halo avaliasaun ne’ebé la haree de’it ba rezultadu teste, maibé mós haree dezenvolvimentu koñesimentu, kompeténsia no atitude estudante sira nian. Ida-ne’e sei ajuda ami atu fó ensinu ne’ebé ho kualidade di’ak liután ba estudante sira”, dehan manorin Literasia iha Lian Tetun.

Formasaun ne’e hala’o iha Eskola Bázika Sentrál (EBC) 1, 2 no 3 Diligência, no hetan partisipasaun husi manorin sira iha Munisípiu Manufahi, hamutuk ema na’in 74, ne’ebé fahe ba área dixiplina tolu (3), mak Fraternidade Humana, Siénsias Sosiais no Literasia iha Lian Tetun.

Inisiativa ne’e iha objetivu atu haforsa kapasidade manorin sira iha implementasaun kurríkulu foun no hametin sira-nia kompeténsia pedagójika, hodi kontribui ba promosaun prosesu ensinu no aprendizajen ne’ebé efetivu no ho kualidade di’ak liután ba estudante sira.

[PORTU]

MINISTÉRIO DA EDUCAÇÃO, ATRAVÉS DO INFORDEPE, PROMOVE FORMAÇÃO SOBRE O NOVO CURRÍCULO PARA PROFESSORES DO ENSINO BÁSICO NO MUNICÍPIO DE MANUFAHI

Manufahi, 22 de julho de 2026 – O Ministério da Educação, através do Instituto Nacional de Formação de Docentes e Profissionais da Educação (INFORDEPE), promove uma formação sobre a implementação do novo currículo do 3.º Ciclo do Ensino Básico, dirigida aos professores do 8.º ano de escolaridade no Município de Manufahi.

Durante a formação, a representante da Diretora Municipal da Educação de Manufahi e Chefe do Departamento do Ensino, Casamira dos Reis Nunes, destacou a importância desta iniciativa para os professores do Município de Manufahi, considerando que a formação lhes proporciona uma oportunidade para compreenderem melhor o novo currículo e aplicarem metodologias de ensino mais adequadas em sala de aula.
“Espero que todos os professores que participam nesta formação possam utilizar os conhecimentos e as experiências adquiridos durante a formação para melhorar o processo de aprendizagem nas respetivas escolas. Desta forma, podemos reforçar a qualidade da educação e preparar melhor os nossos alunos para o futuro”, afirmou a representante da Diretora Municipal da Educação de Manufahi, durante a abertura da formação, realizada na Escola Básica Central (EBC) 1, 2 e 3 de Diligência, no Posto Administrativo de Same.

Entretanto, o professor da disciplina de Literacia em Língua Tétum, Jaime Lobato, afirmou que a formação constitui uma importante preparação para os professores compreenderem melhor o novo currículo, nomeadamente no que diz respeito ao planeamento das aulas, às metodologias de ensino e aprendizagem e ao sistema de avaliação a implementar no 8.º ano.
“Sinto-me muito satisfeito por ter tido a oportunidade de participar nesta formação, pois pude aprender a preparar os planos de aula de acordo com as orientações do novo currículo, utilizar metodologias de ensino que envolvam os alunos na participação ativa nas atividades em sala de aula e realizar avaliações que não tenham em conta apenas os resultados dos testes, mas também o desenvolvimento dos conhecimentos, das competências e das atitudes dos alunos. Isto vai ajudar-nos a proporcionar um ensino de melhor qualidade aos nossos estudantes”, afirmou o professor de Literacia em Língua Tétum.

A formação decorre na Escola Básica Central (EBC) 1, 2 e 3 de Diligência e conta com uma participação significativa de professores do Município de Manufahi, num total de 74 participantes, distribuídos por três áreas disciplinares: Fraternidade Humana, Ciências Sociais e Literacia em Língua Tétum.

A iniciativa tem como objetivo reforçar as capacidades dos professores na implementação do novo currículo e fortalecer as suas competências pedagógicas, contribuindo para a promoção de um processo de ensino e aprendizagem mais eficaz e de maior qualidade para os alunos.

#MédiaME
Jornalista: Abel Jolino