Dili, 25 Agostu 2025 - Ministériu Edukasaun liu-husi Diretora Jerál Planu, Polítika, Inkluzaun no Informátika (DJ-PPII), Sra. Odilia das Dores Ung Martins hamutuk ho Diretór Jerál Edukasaun Pré-Eskolár, Ensinu Báziku no Ensinu Rekorente Sr. Apolinario Serpa Rosa no Reprezentante ASEAN-UK SAGE nian, Sra. Rebecca Hales, Reprezentante UN Women Sra. Ishita Kaul, Prezidente INFORDEPE, Sr. Domingos Martins, hala’o abertura "Treinamentu ba Manorin kona-ba abilidade Partisipasaun Ekonomika, iha Salaun Ian Martin INFORDEPE
Diretora Jerál Planu, Polítika, Inkluzaun no Informátika (DJ-PPII), Sra. Odilia das Dores Ung Martins fó agradese ba parseiru sıra husi UN Women, programa ASEAN -UK SAGE. Konsellu Británia, Governu Reinu Unidu no INFORDEPE ne'ebé serbisu hamutuk ona ho Ministeriu Edukasaun hodi promove edukasaun no igualdade jéneru iha Timor-Leste.
“Inisiativa ida-ne'e mai iha tempu ne'ebé importante tebes ba ita-nia nasaun. Edukasaun la'ós de'it kona-ba transferénsia koñesimentu, maibé mós kona-ba loke oportunidade iha Timor-Leste, ami rekoñese katak manorin sira iha atu forma abilidade, konfiansa no futuru ba ita-nia foin-sa'e sira. Liu husi haforsa kapasidade manorin sira nian, ita investe diretamente iha ita-nia oan sira-nia futuru, ita-nia familia no ita-nia nasaun”. Dehan Diretora DJ-PPII ne’e
Diretora ne’e salienta liután katak Programa STEP ne'e partikularmente signifikativu tebes tanba bele kontribui ba prioridade rua ne'ebé importante tebes ba ita-nia progresu edukasaun mak, edukasaun inkluziva no empoderamentu ekonómiku. Liu husi treinamentu ida-ne'e, ita prepara manorin sira atu uza metodolojia sensivel ba jéneru ne'ebé asegura katak estudante hotu-hotu, liuliu labarik-feto marjinalizadu sira, enkoraja no iha kapasidade atu alkansa sira-nia potensialidade tomak.
Rekorda katak atu reforsa fali kompromisu boot Ministériu Edukasaun nian hodi apoia no sustenta edukasaun ne'ebé sensivel ba jéneru no inkluzivu iha Timor-Leste. Hamutuk ho ita-nia parseiru sira, ita sei kontinua investe iha manorin sira, tanba liuhusi imi, ita harii fundasaun ba sosiedade ida ne'ebé forte no prósperu.
# MÉDIA-ME
# Jornalistasiga
