Dili, 22 Setembru 2025
Eis Profesora Kontratadu tinan 2023 hato'o agradese ba Ministériu Edukasaun, tanba bele rezolve sira-nia estatutu husi kontratadu ba permanente liuhusi teste eletróniku bolsa kandidatu, iha Komisaun Funsaun Públika.
Hafoin abertura formasaun indusaun ba profesor bolsa kandidatu Ensinu Báziku, iha INFORDEPE, eis profesora kontratadu tinan 2023 Sra. Maria Aurita Mariano, sente kontente tebe-tebes no agradese ba Ministériu Edukasaun bele fó oportunidade hodi tuir teste ida ne'e.
“Ha'u kontente tebes, hanesan Eis Profesora Konatratadu 2023, bele hetan filafali oportunidade husi Ministériu Edukasaun, liuhusi Sua Exelénsia Ministra Edukasaun, ne’ebé bele loke vagatura ba bolsa kandidatu atu sai manorin, hodi fó oportunidade mós ba ami Eis Profesór Kontratadu 2023 hodi konkore iha vaga ne’e, nune’e ha’u bele liu no hetan kolokasaun iha munisípiu Viqueque”, dehan Eis Profesór Kontratadu 2023
Iha sorin seluk Eis Profesora Kontratadu Sra. Eufrazia Guterres hateten, nu'udar eis profesora kontratadu sente kontente tebes, tanba ministériu edukasaun loke vaga ba profesor nian hodi fó oportunidade atu bele kompete.
“Agradese tebes ba Ministériu Edukasaun, tanba fó oportunidade mai ami Eis Profesór Kontratadu 2023 hodi bele konkore mós iha vaga ba bolsa kandidatu atu sai manorin. Kontenti tebes, tanba hetan filafali oportunidade hodi hanorin timoroan sira hodi prepara sira ba futuru nasaun nian ida ne’ebé forte liután”, dehan Eis Profesór Kontratadu 2023.
#JornalistaEliasdaCosta
#MédiaME
