𝐋𝐚𝐮𝐭𝐞́𝐦, 𝟐𝟖 𝐉𝐚𝐧𝐞𝐢𝐫𝐮 𝟐𝟎𝟐6

Ministériu Edukasaun liuhosi Diretór Jerál Ensinu Sekundáriu (DGES), 𝐒𝐫. 𝐃𝐞𝐨𝐥𝐢𝐧𝐝𝐨 𝐝𝐚 𝐂𝐫𝐮𝐳, 𝐌𝐏𝐀, hamutuk ho UN Women, foin lalais ne’e ensera série treinamentu ba komunidade eskola sira iha Munisípiu Lautém.

Inisiativa ne’e foka ba Igualdade Jéneru no Prevensaun Violénsia Bazeia ba Jéneru (VBJ) Nu’udar parte integrál husi programa Treinamentu Abilidade ba Partisipasaun Ekonómika (STEP).

Iha Enseramentu, 𝐒𝐫. 𝐃𝐞𝐨𝐥𝐢𝐧𝐝𝐨 subliña katak kria ambiente eskola ne’ebé seguru mak xave
ba susesu akadémiku no ekonómiku estudante sira-nian.

“Ita labele ko’alia de’it kona-ba abilidade téknika ka empreendedorizmu se ita-nia feto foin-sa’e sira sei sente la seguru iha eskola laran. Mudansa ne’e tenke hahú husi ita-nia atitude rasik. Eskola tenke sai fatin ne’ebé inkluzivu, seguru, no nakonu ho respe-tu, atu nune’e estudante hotu-hotu feto no mane bele kontribui ba dezenvolvimentu nasionál ," dehan Sr. Deolindo.

Aleinde ne’e, NPO-WEE UN Women Timor-Leste, 𝐒𝐫. 𝐃𝐚𝐫𝐢𝐨 𝐒𝐨𝐮𝐬𝐚 esplika katak Liuhosi Manuál 'Halo Ligasaun ho Respeitu', ami hakarak kapasita profesór no estudante sira atu sai ajente ba mudansa.

“Bainhira komunidade eskola komprende importánsia relasaun ne’ebé bazeia ba respeitu, feto foin-sa’e sira sei iha konfiansa bo’ot liután atu partisipa iha empreendedorizmu no foti desizaun ba sira-nia futuru," hateten Dario.

Misaun ne’e konsege foti rezultadu ne’ebé hatudu susesu husi implementasaun programa STEP, 𝟖𝟎% partisipante sira hasa’e sira-nia koñesimentu kona-ba 𝐢𝐠𝐮𝐚𝐥𝐝𝐚𝐝𝐞 𝐣𝐞́𝐧𝐞𝐫𝐮, Eskola ida-idak bele hamosu asaun prátika rua hodi apoiu feto foin-sa’e sira, Produsaun dokumentasaun hodi fahe susesu programa nian ba públiku no doadór sira.

Ho programa STEP, Ministériu Edukasaun kontinua komprometidu atu hari’i jerasaun foun ne’ebé la’ós de’it matenek iha konesimentu tékniku, maibé mós iha konesimentu klean konaba valór umanu no respeitu ba malu.

#MédiaME
#JornalistaEmiliodaCruzLopes