LOSPALOS - Diretór Jerál Ensinu Sekundáriu (DGES), 𝐒𝐫. 𝐃𝐞𝐨𝐥𝐢𝐧𝐝𝐨 𝐝𝐚 𝐂𝐫𝐮𝐳 reprezenta Ministra Edukasaun no Sekretáriu Estadu Ensinu Sekundáriu Jerál no Tékniku Vokasionál, hala’o vizita fíziku hodi monitoriza direta kondisaun no dezempeñu profesór bolsa kandidatu sira iha Munisípiu Lautém, kinta-feira (29/01/2026).
Vizita monitorizasaun ne’e foka ba Eskola Ensinu Sekundária Jerál (ESG) Lere Anan Timor no ESG Nino Konis Santana Lospalos.
Vizita ne’e ho objetivu atu haree direta oinsá profesór foun sira aplika metodolojia hanorin iha klase laran no assegura katak prosesu aprendizajen la’o tuir padraun kurríkulu nasionál ne’ebé vigora.
𝐒𝐫. 𝐃𝐞𝐨𝐥𝐢𝐧𝐝𝐨 esplika katak monitorizasaun ne’e parte ida husi prosesu avaliasaun nian. Se rezultadu di’ak, ida-ne’e sai hanesan baze hodi bele integra sira ba sistema karreria foun iha futuru.
Nia fó hanoin tan ba profesór bolsa kandidatu sira atu sai modelu ba dixiplina no étika, hodi la depende de'it ba livru manuál, maibé tenke kriativu atu kria materiál didátiku rasik hodi dada estudante sira-nia interese"
Iha fatin hanesan, 𝐌𝐞𝐬𝐭𝐫𝐞 𝐋𝐮𝐜𝐚𝐬 𝐝𝐚 𝐒𝐢𝐥𝐯𝐚 𝐝𝐚𝐬 𝐍𝐞𝐯𝐞𝐬, nu'udar Profesór Bolsa Kandidatu, hateten katak fatin kolokasaun la'ós problema ba sira. Nia afirma katak sira prontu atu hala'o knaar iha ne'ebé de'it nu'udar responsabilidade sidadaun nian ba Estadu.
Tuir dadus husi vizita ne'e, kolokasaun profesór bolsa kandidatu husi ESG Lere Anan Timur hamutuk Na’in-6 (Mane4, Feto 2) no ESG Nino Konis Santana hamutuk Na’in-10 (Mane 4, Feto 6)
[PORTU]
MINISTÉRIO DA EDUCAÇÃO MONITORIZA CONDIÇÕES DOS PROFESSORES BOLSEIROS CANDIDATOS
Lospalos – O Director-Geral do Ensino Secundário (DGES), Sr. Deolindo da Cruz, MPA, em representação da Ministra da Educação e do Secretário de Estado do Ensino Secundário Geral e Técnico-Vocacional, realizou, na quinta-feira (29/01/2026), uma visita de monitorização directa às condições e ao desempenho dos professores bolseiros candidatos no Município de Lautém.
A visita incidiu sobre a Escola Secundária Geral (ESG) Lere Anan Timur e a ESG Nino Konis Santana, em Lospalos, com o objectivo de observar directamente a aplicação das metodologias de ensino em sala de aula e assegurar que o processo de aprendizagem decorre em conformidade com os padrões do currículo nacional em vigor.
O Director-Geral explicou que esta monitorização integra o processo de avaliação e que resultados positivos poderão servir de base para a futura integração dos professores no novo sistema de carreira.
Encorajou ainda os professores bolseiros candidatos a serem modelos de disciplina e ética, apelando à criatividade na produção de materiais didácticos próprios, de modo a despertar o interesse dos estudantes, e a não dependerem exclusivamente dos manuais escolares.
Por seu turno, o professor bolseiro candidato, Mestre Lucas da Silva das Neves, afirmou que a colocação geográfica não constitui um problema, assegurando que estão preparados para desempenhar funções onde quer que seja, enquanto dever de cidadania para com o Estado.
De acordo com os dados recolhidos durante a visita, encontram-se colocados seis professores bolseiros candidatos na ESG Lere Anan Timor (quatro homens e duas mulheres) e dez na ESG Nino Konis Santana (quatro homens e seis mulheres).
#MÉDIA-ME
#JornalistaEmilio
