𝙋𝙍𝙊𝙂𝙍𝘼𝙈𝘼 𝙏𝙀𝙇𝙀-𝙀𝙎𝙆𝙊𝙇𝘼 𝙎𝘼𝙄 𝙍𝙀𝙁𝙀𝙍É𝙉𝙎𝙄𝘼 𝘽𝘼 𝙀𝙎𝙏𝙐𝘿𝘼𝙉𝙏𝙀 𝙎𝙄𝙍𝘼

Liquiçá - Terça-feira, 15/04/2025
Programa Tele-Eskola hanesan programa vizuál ida ne'ebé Ministerio Edukasaun liu husi Diresaun Nasional Sistema Informátika no Teknolojia (DNSIT), prodúz atu aprezenta matéria espesialidade sira liuhusi gravasaun no públika ba públiku. Tanba ne'e Xefe Departamentu Gionista Sra. Engracia Maria Cabral, inklui Tékniku (DNSIT) sira hala'o Sosializasaun Programa Tele-Eskola ba estudante sira iha Eskola Sekundaria Jeral Hu-Iso Lara-Iso iha munisípiu Liquiçá.

Iha sosializasaun ne'e, Xefe Departamentu Gionista Sra. Engracia Maria Cabral, hateten agora daudaun mundu modernu nakonu ho teknolojia tanba ne'e programa Tele-Eskola ida ne'e fasilita estudante Sira oinsa bele Aprende materia liu husi Youtube ho naran TELE-ESKOLA, relasiona ho materia ne'ebé Estudante sira aprende Iha eskola.

"Iha eskola estudante sira hasoru malu direitamente ho manorin-na'in sira, nune'e liu husi programa Tele-Eskola atu estudante sira aprende iha uma no iha kualker fatin seluk, bazeia ba materia ne'ebé mak estudante hakarak aprende.

"Kanál Tele-Eskola iha youtube, ami publika materia barak mak iha ne'ebá tanba ne'e estudante sira aprende tuir materia ne'ebé mak imi hakarak aprende". dehan Xefe Departamentu Gionista.

Iha fatin hanesan, Diretor Servisu Edukasaun Munisípiu Liquiçá, Sr. Julio da Silva hateten, programa Tele-Eskola ne'e Dokumentu barak mak tau iha ne'ebá.

"Programa ne'e Ministeriu Edukasaun kria, atu nune'e estudante sira bele asesu, tanba ne'e husu ba estudante sira atu vizita kanál Youbtube Tele-eskola", dehan Diretor Munisipal ne'e.

Sosializasaun refere partisipa Másimu husi Estudante Eskola Sekundariu Jerál Hu-Iso Lara-Iso, Eskola Sekundária Téknika Vokasionál no Eskola Káfe munisípiu Liquiça.

#MÉDIAME