Díli - Tersa-feira, 15/04/2025
Ministériu Edukasaun liuhusi Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, entrega karreta ho marka GRAND MAX ida ba ESTV Natarbora hodi apoiu atividade iha eskola.
Iha resintu Ministériu Edukasaun Vila-Verde sua exelénsia Sekretáriu estadu ESJ-ESTV hateten, loron ohin ba daruak nian ita entrega karreta ba eskola ESTV sira, iha fulan kotuk liu ba ita entrga ona karreta hanesan mós ba eskola téknika vokasionál Moleana, no foin lalais iha semana kotuk ha’u ho ekipa ba vizita no observa direita kondisaun eskola tékniku agríkola Natarbora hodi haree kondisaun eskola no ohin ita intrega património (karreta) estadu ba sira.
“Iha fatin hanesan governante ne’e informa ba públiku katak, kareta entrega ona ba eskola, karreta governu nian maibé, na’in ba karreta maka eskola, signifika jestaun tomak ba karreta ne’e eskola mak halo jestaun ba buat hotu, inklui manutensaun”.
“Lori eskola ninia naran hato’o agredesimentu wa’in no orgullu tebes ba Ministériu Edukasaun liuliu Sua Exelénsia Sekretáriu Estadu ESJ-ESTV ho esforsu maka’as tebe-tebes hodi fó apoiu karreta ida ne’e, ba eskola téknika vokasionál agríkola Natarbora. Dehan Sr. Diretor ESTV Agríkola Natarbora
Iha serimónia ne’e partisipa másimu hosi, Diretor Nasionál Ensinu Sekundáriu Téknika Vokasionál Sr. Fernando M. Gama, Xefe Gabinete Sekretáriu Estadu ESJ-ESTV Sr. Napoleão de Araújo Santos Lima, assesór/a Gabinete Sekretáriu Estadu, Diretora Nasionál Patrimóniu Lojístika Sra. Aurélia Doutel Faria Pinto, inklui funsionáriu diresaun téknika Vokasionál tomak.
#MédiaME
