𝐏𝐑𝐎𝐆𝐑𝐀𝐌𝐀 𝐒𝐓𝐄𝐏 𝐋𝐎𝐊𝐄 𝐃𝐀𝐋𝐀𝐍 𝐁𝐀 𝐅𝐔𝐓𝐔𝐑𝐔

Dili, Sexta-feira, 11 Abril 2025 -

Iha esforsu kolaborativu ida atu hasa'e asesu edukasionál no hasoru barreira jéneru hodi dezenvolve abilidade, Governu Reinu Unidu no Ministériu Edukasaun Timor-Leste, ohin ofisialmente lansa programa Skills Training for Economic Participation (STEP), iha Sala Konferénsia Ministériu Edukasaun, Vila Verde, Dili.

Programa STEP nu'udar inisiativa pilotu pioneru ne'ebé ekipa foin-sa'e sira iha Rejiaun Oe-Cusse no Lautém ho abilidade vitál sira hodi hasa'e sira-nia independénsia finanseira no kontribui ba sira-nia komunidade.

Programa ne'e sei foka ba foin-sae sira iha area rurál, liu-liu labarik-feto sira, oferese formasaun iha empreendedorizmu, literásia dijitál, no abilidade interpersonal. Kursu sira-ne'e dezeña atu aliña ho oportunidade ekonómika lokál ne'ebé klean no iha istória forte iha programasaun ne'ebé responde ba jéneru.

Iha okaziaun ne'e, Diretora Jerál Planu Polítika Inkluzaun no Informátika (DGPPII) Sra. Odília das Dores Ung Martins hateten, ami iha Ministériu Edukasaun iha responsabilidade bo'ot atu eduka estudante sira atu bele sai fleksivel no espiritu empreendorizmu hodi sira bele buka servisu, loke sira-nia serbisu rasik.

"Adapta ba ezijénsia sira hosi kampu traballu no mudansa ne'ebé mai hosi avansadu teknolójiku sira-ne'ebé dezenvolvimentu ba abilidade sékulu 21: kriatividade, kooperasaun, negosiasaun, komunikasaun, kompeténsia dijitál ne’ebé presiza atu hetan susesu iha kampu traballu". Dehan Diretora.

Iha sorin seluk, Xefe ekipa ba Programa SAGE ASEAN-RU, Sr. Craig Farmer subliña katak ida ne'e la'os de'it programa formasaun nian; ida ne'e investimentu ida iha futuruTimor-Leste nian, ekipa British Council no ami-nia parseiru sira iha programa SAGE ASEAN-RU nian, sente orgullu atu apoia projetu ida ne'ebé bazeia ba joven sira-nia aspirasaun no informa ona ba komunidade liu hosi sira-nia lian rasik, ami haksolok tebes atu hahú viajen ida ne'e hamutuk ho UN Women no Ministériu Edukasaun iha Timor-Leste.

Tuir dadus Banku Mundiál nian iha tinan 2023, feto sira nia partisipasaun ba forsa traballu iha timor-leste foin iha 24.2% kompara ho 36.9% ba mane sira.

#MédiaMEJornalistaEmilio