𝐆𝐎𝐕𝐄𝐑𝐍𝐔 𝐓𝐈𝐌𝐎𝐑-𝐋𝐄𝐒𝐓𝐄 𝐑𝐄𝐀𝐋𝐈𝐙𝐀 𝐄𝐍𝐊𝐎𝐍𝐓𝐑𝐔 𝐇𝐎 𝐁𝐀𝐍𝐊𝐔 𝐍𝐀𝐒𝐈𝐎𝐍Á𝐋 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 (𝐀𝐃𝐁)

𝐃í𝐥𝐢, 𝟎𝟏 𝐀𝐠𝐨𝐬𝐭𝐮 𝟐𝟎𝟐𝟓 – 𝐒𝐮𝐚 𝐄𝐱𝐞𝐥é𝐧𝐬𝐢𝐚 𝐌𝐢𝐧𝐢𝐬𝐭𝐫𝐚 𝐄𝐝𝐮𝐤𝐚𝐬𝐚𝐮𝐧, 𝐃𝐫𝐚. 𝐃𝐮𝐥𝐜𝐞 𝐝𝐞 𝐉𝐞𝐬𝐮𝐬 𝐒𝐨𝐚𝐫𝐞𝐬, 𝐩𝐚𝐫𝐭𝐢𝐬𝐢𝐩𝐚 𝐢𝐡𝐚 𝐬𝐞𝐫𝐢𝐦ó𝐧𝐢𝐚 𝐢𝐦𝐩𝐨𝐫𝐭𝐚𝐧𝐭𝐞 𝐤𝐨𝐧𝐚-𝐛𝐚 𝐁𝐚𝐧𝐤𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐍𝐚𝐬𝐢𝐨𝐧á𝐥 𝐓𝐢𝐦𝐨𝐫-𝐋𝐞𝐬𝐭𝐞 𝐧𝐢𝐚𝐧, 𝐧𝐞’𝐞𝐛é 𝐨𝐫𝐠𝐚𝐧𝐢𝐳𝐚 𝐡𝐮𝐬𝐢 𝐆𝐨𝐯𝐞𝐫𝐧𝐮 𝐧𝐨 𝐁𝐚𝐧𝐤𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐀𝐳𝐢á𝐭𝐢𝐤𝐮 (𝐀𝐃𝐁), 𝐢𝐡𝐚 𝐀𝐮𝐝𝐢𝐭ó𝐫𝐢𝐮 𝐌𝐢𝐧𝐢𝐬𝐭é𝐫𝐢𝐮 𝐅𝐢𝐧𝐚𝐧𝐬𝐚𝐬, 𝐀𝐢𝐭𝐚𝐫𝐚𝐤-𝐋𝐚𝐫𝐚𝐧.

Iha diskursu, Sua Exelénsia Primeiru Ministru, Kay Rala Xanana Gusmão, hateten, bainhira Timor-Leste la'o ba oin iha ninia integrasaun iha ASEAN no hakle'an liután kooperasaun ekonómika rejionál, nasaun ne'e hahú halo viajen transformativu ida ba kreximentu inkluzivu no sustentável. Transformasaun ida-ne'e mak atu estabelese katalizadór esensiál ida-ne'ebé funsiona di'ak hosi Banku Dezenvolvimentu Nasionál ba finansiamentu projetu dezenvolvimentu estratéjiku, bankáriu no loke investimentu importante sira iha infraestrutura no setór privadu.

“Fó parabéns ba Governu Da-IX, ba ninia vizaun no inisiativa hodi kria Banku Dezenvolvimentu Nasionál, Banku Dezenvolvimentu Aziátiku hetan onra hodi apoia vizaun Governu nian liuhusi asisténsia téknika, inklui Analiza konseitu, Dezenvolvimentu Modelu Negósiu, no enkuadramentu legál no reguladór sira hotuhotu bazeia ba prátika di'ak globál no adapta ho kuidadu ba kontestu úniku Timor-Leste nian”, dehan S.E. Primeiru Ministru.

Fiar katak susesu Banku Dezenvolvimentu Nasionál nian sei depende ba estratéjia ida-ne'ebé klaru, dezeñu institusionál ne'ebé forte, no governasaun transparente ne'ebé aliña ho padraun internasionál sira. Tuir prinsípiu hirak-ne'e, Banku bele sai nu'udar forsa importante liuhusi fornese finansiamentu ba tempu naruk ba projetu sira ne'ebé intensivu ho kapitál, haluan empréstimu kolaborativu ho instituisaun finanseiru sira seluk, no lori investimentu boot liu.

Xefe Governu ne’e hatutan, importante liu, Banku Dezenvolvimentu Nasionál hakarak atu kompleta, la'ós atu kompete ho instituisaun finanseiru sira ne'ebé eziste. Ninia mandatu estratéjiku no ámbitu operasionál sei ko'alia liuliu kona-ba lakuna finansiamentu no projetu apoiu ne'ebé importante tebes ba Timor-Leste nia kompetitividade no reziliénsia ba tempu naruk.

#joarnalistaluísalmeida
#ortografiajoanicodejesus
#traduçãojoãoamaral
#MédiaME