SEKRETÁRIU ESTADU ESJESTV HALO LANSAMENTU WEBSITE ESKOLA ESTV LIQUIÇA
Liquiça- Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos halo lansamentu Website eskola Sekundária Téknika Vokasionál Liquiça Sesta-feira ne'e.
Iha intervensaun Exelénsia Sekretáriu Estadu ESJESTV hateten, Eskola tékniku vokasionál sira iha fatin-fatin website iha klae, maibé primeira vez Exelénsia akompania website iha eskola ida ne’e, apresia tebes ba Diretor, Estudante no nia estrutura hotu.
" Prosesu tomak ne'ebé ita la'o iha ita nia rai ne'e labele iha entendimentu, tanba dala barak Eskola Téknika Vokasionál ne'e persentajen matríkulasaun ne'e tun kada tinan", deklara exelénsia Sekretáriu Estadu ESJESTV Sr. Domingos Lopes Lemos.
Governante ne'e mos haktuir tan, Espera benefísiu husi Website ne'ebé ohin loron halo lansamentu ne'e, ba oin ema barak sei asesu informasaun hotu ne'ebé mak eskola ne’e rasik públika, parabéns ba estrutura Eskola ESTV nia hanoin di'ak.
Fatin hanesan Diretór Eskola Sekundária Tékniku Vokasionál Sr. Julio Alves dos Santos hateten, Eskola tékniku vokasionál eziste mos departementu tékniku Informátika, aleinda estudante sobu monta komputador sira, estudante mos aprende aplikasaun balun, hetan apoiu husi joven Liquiça balun, hamutuk ho profesór Departamentu Informátika nian elabora durante fulan neen nian laran ohin loron konsege halo lansamentu.
"Ita haree, análiza situasaun ida agora iha mudansa teknolójia, antes ne'e mós ita iha tia ona iha média Facebook, website ne'e iha atu nune'e atividade eskola nian ita bele fahe liu husi website ne'e, atu nune’e ema barak bele asesu", katak Diretor ne'e.
Exelénsia Sekretáriu Estadu ESJESTV halo lansamentu Website ne'e akompania husi Diretór Jerál Ensinu, Diretór Nasionál Tékniku Vokasional, Diretóra Planu Politika inkluzaun Informátika no partsipa husi Autoridade lokál munisípiu, Profesór no estudante sira hotu.
Eskola Sekundáriu Tékniku Vokasionál Liquiça kompostu husi Departamentu haat (4), Departamentu Kontabilidade, Komérsiu, tékniku Informátiku, alimentasaun Bebidas, Estudante hamutuk 329, profesór/a na'in 32.
Exelénsia Sekretáriu Estadu ESJESTV halo lansamentu Website ne'e akompania husi Diretór Jerál Ensinu, Diretór Nasionál Tékniku Vokasional, Diretóra Planu Politika inkluzaun Informátika, hafoin halo lansamentu exelénsia ho ekipa vizita mós Eskola Sekundária Públika Liquiça kontinua vizita Eskola Sekundária Jerál Paralelo Maubara.
