SEKRETÁRIU ESTADU ESJESTV HALO AUDÉNSIA HO AJÉNSIA KOICA IHA TIMOR LESTE
Dili 20-12-2023, Ministériu Edukasaun liu husi Sekretáriu Estadu Eskola Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos halo audiénsia ho Ajénsia KOICA iha Timor-Leste hodi Ko'alia kona-ba Ajénsia nia apoiu ba eskola Téknika Vokasionál STM Becora, iha sala VIP Ministériu Edukasun Vila-verde
Sekretáriu Estadu Eskola Ensinu Sekundáriu Jerál no Ensinu Sekundáriu Tékniku Vokasionál (SEESGESTV) Sr. Domingos Lopes Lemos hateten, ohin ko'alia kona–ba apoiu sira husi ajénsia KOICA nian ba eskola STM Becora liuliu iha ekipamentu administrasaun, ekipamentu mekánika no ekipamentu prátika sira ne'ebé mak eskola Téknika vokasionál Becora presiza tulun.
"Agora sira instala hela sira-nia programa iha eskola téknika vokasionál Becora, liuliu adviser ne'ebé mak servisu hela iha eskola refere no sira sempre mai koopera nafatin ho Ministériu edukasaun hodi nune'e desenvolvimentu iha eskola refere bele la´o nafatin ba oin", Dehan Govenante ne´e.
Iha fatin hanesan Adviser Ajénsia KOICA nian Heesurp Park hateten, kontente tebes mai iha Timór tanba ne'e objetivu mai hasoru ho exelénsia sekretáriu estadu atu hodi apoiu nesesidade administrasaun ekipamentu ba eskola téknika vokasionál STM Becora.
Enkuantu iha audiénsia ne´e hetan partisipasaun husi Sekretáriu Estadu Eskola Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, diretóra Ajénsia KOICA ho nia ekipa no akompaña husi Asesór sira.
