Oe-Cusse, loron 13 fulan Agosto 2025
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, akompaña husi Diretór Nasionál Ensinu Sekundáriu Jerál Sr. Benjamin Fernandes da Cruz, Diretór serbisu Edukasaun Raeoa Sr. Vincencio Cono no Sekretária Rejionál Edukasaun no Asuntu Sosiál Sra. Inácia Tamele, hala'o vizita ba eskola Báziku Filiál 1 de maio Palaban, Ensinu Báziku Sentrál 1, 2 Ciclo 30 de Agosto Masin, Ensinu Báziku Sentrál 1,2,3 Tulaica Aenmat, Eskola Sekundáriu Colégio São João Maria Vianney Padiae Oe-Cusse kuarta-feira ne'e.
Iha vizita ne’e Sua Exelénsia Sekretáriu Estadu ESJ-ESTV hateten, vizita ne'e foku liuliu ba implementasaun merenda eskolár sira iha eskola idakidak, haree sira-nia merenda eskolár di'ak tebetebes.
"Iha eskola Masin sira uza osan merenda eskolár hodi konstrui koziña ida ne'ebé kapás tebetebes ida ne’e sai ezemplu di'ak ba eskola hotuhotu no grupu ne'ebé atende merenda eskolár", dehan Sua Exelénsia Sekretáriu Estadu ESJ-ESTV.
Governante ne’e, husu ba fornesedór ne'ebé atende merenda eskolár ne'e sira rasik tenke halo jestaun di'ak, hodi nune'e prepara ai-han ne'ebé ho seguru, nutriente fó ijiene ba estudante sira atu nune'e ita-nia estudante sira konsumu labele hetan moras.
Fatin hanesan Fornesedora Sra. Gaudenciana Baloc informa, hahán ne'ebé agora dadaun ami fornese ba estudante sira ami uza produtu lokál hanesan aifarina, fehuk, talas no uza mós hahan sira hanesan Etu, ikan, tahu, tempe, na'an no ai-fuan sira.
Iha vizita ne’e mós eskola EBF ida mak hato'o sira nia preokupasaun kona-ba edifísiu uza hela bebak bainhira prosesu aprendizajen fó impaktu tebetebes, husu ba Sekretáriu Rejionál Asuntu Edukasaun husu atu tau matan nune’e bele rezolve tuir kbi'it Ministériu Edukasaun nian.
Eskola Báziku Filial 1 de maio Palaban estudante hamutuk na'in 723, Ensinu Báziku Sentrál 1,2,3 Tulaica Aenmat 845, Eskola Sekundário Colégio São João Maria Vianney Padiae 187.
#jornalistarita
#MédiaME
