Díli, 9 Juñu 2026 – Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál (ESJ-ESTV), Sr. Domingos Lopes Lemos, Lic. Ed., MM., halo abertura ba Workshop Nasionál Inovasaun no Dijitalizasaun Servisu Edukasaun liuhusi Komunikasaun Efikás no Efisiente iha Salaun Ian Martin, INFORDEPE Balide, tersa-feira (09/06).

Iha nia intervensaun, Sekretáriu Estadu hateten katak workshop ne’e involve profesór sira ne’ebé hanorin iha área multimédia, funsionáriu sira husi gabinete tékniku, no mós parseiru ida husi Indonézia, Bali Business eSchool, ne’ebé durante ne’e envolve ona iha apoiu ba eskola tékniku sira.

Nia esplika katak kooperasaun entre ESJ-ESTV no Bali Business eSchool sei kontinua hodi promove partilla koñesimentu, inovasaun no utilizasaun teknolojia digitál iha prosesu aprendizajen. Tanba ne’e, workshop ne’e organiza ho tema “Inovasaun no Dijitalizasaun Efikás ho Efisiénsia”, ho objetivu atu hasa’e kapasidade profesór sira, liuliu sira-ne’ebé hanorin iha área multimédia.

Partisipante sira ne’ebé marka prezensa mai husi territóriu tomak, liuliu husi Eskola Tékniku Vokasionál Públika sira iha Timor-Leste.

“Iha workshop ohin loron, partisipante hamutuk ema nain 62. Atividade ne’e realiza durante loron tomak, hahú husi dadeer to’o remata iha lokraik,” dehan Sekretáriu Estadu.

Iha oportunidade ne’e, governante refere mós katak iha tempu badak governu sei distribui ekipamentu eletróniku hanesan komputadór no projetór ba Eskola Tékniku Vokasionál sira iha territóriu tomak. Ekipamentu hirak ne’e hela ona iha Sentru Lojístika no Aproviszionamentu no hein prosesu instalasaun no distribuisaun.

“Eskola Tékniku Vokasionál hamutuk iha 32 iha Timor-Leste. Maibé, tanba limitasaun ekipamentu, faze dahuluk sei fó prioridade ba balun husi eskola públika sira antes estende ba hotu-hotu,” hateten sua Exelénsia Sekretáriu Estadu ESG-ESTV.

Iha fatin hanesan, CEO Bali Business eSchool, Dra. Mirsa Umiyati, S.S.Hum., agradese ba oportunidade ne’ebé Gabinete Sekretáriu Estadu ESJ-ESTV fó atu partilla nia esperiénsia no koñesimentu ho partisipante sira.

Nia hateten katak tópiku prinsipál ne’ebé sei aborda iha workshop ne’e fahe ba parte tolu. Primeiru, kona-ba inovasaun iha metodolojia hanorin, oinsá profesór sira bele implementa kriatividade, inovasaun no abilidade sira iha sala aula, liuliu ba estudante sira iha ensinu tékniku vokasionál.

Segundu, kona-ba dijitalizasaun no utilizasaun ótima ba plataforma Google sira atu suporta prosesu aprendizajen, hanesan Google Drive, Google Forms, Google Sheets no Google Workspace, hodi haburas sistema aprendizajen dijitál iha eskola sira.

Workshop ne’e hetan partisipasaun husi Diretór-Jerál Ensinu Sekundáriu, Sr. Deolindo da Cruz; Diretór Nasionál Ensinu Sekundáriu Jerál no diretór interinu Ensinu Sekundáriu Tékniku Vokasionál, Sr. Benjamin da Cruz Fernandes; Vice-Prezidente INFORDEPE; xefe departamentu sira; no partisipante sira husi Eskola Tékniku Vokasionál Públika sira iha Timor-Leste, hamutuk ho CEO Bali Business eSchool, Dra. Mirsa Umiyati, S.S.Hum.

[PORTU]

SECRETÁRIO DE ESTADO DO ENSINO SECUNDÁRIO GERAL E TÉCNICO-VOCACIONAL ABRE WORKSHOP NACIONAL SOBRE INOVAÇÃO E DIGITALIZAÇÃO DOS SERVIÇOS EDUCATIVOS ATRAVÉS DE UMA COMUNICAÇÃO EFICAZ E EFICIENTE

Díli, 9 de junho de 2026 – Sua Excelência o Secretário de Estado do Ensino Secundário Geral e do Ensino Secundário Técnico-Vocacional (ESG-ESTV), Sr. Domingos Lopes Lemos, Lic. Ed., MM., presidiu à cerimónia de abertura do Workshop Nacional sobre Inovação e Digitalização dos Serviços Educativos através de uma Comunicação Eficaz e Eficiente, realizada esta terça-feira (09/06), no Salão Ian Martin, do INFORDEPE, em Balide.

Na sua intervenção, o Secretário de Estado referiu que o workshop reúne professores da área de multimédia, funcionários dos gabinetes técnicos e ainda um parceiro da Indonésia, a Bali Business eSchool, entidade que tem vindo a apoiar as escolas técnicas do país.

O governante explicou que a cooperação entre o ESG-ESTV e a Bali Business eSchool continuará a ser reforçada com vista à promoção da partilha de conhecimentos, da inovação e da utilização das tecnologias digitais no processo de ensino-aprendizagem. Neste contexto, o workshop decorre sob o tema “Inovação e Digitalização Eficaz com Eficiência”, tendo como principal objetivo reforçar as capacidades dos docentes, sobretudo daqueles que lecionam na área de multimédia.

Os participantes presentes vieram de todo o território nacional, em particular das Escolas Técnicas Vocacionais Públicas de Timor-Leste.
“Participam neste workshop 62 pessoas. A atividade decorre durante todo o dia, desde a manhã até ao final da tarde”, afirmou o Secretário de Estado.

Na ocasião, o governante anunciou ainda que, num futuro próximo, o Governo procederá à distribuição de equipamentos eletrónicos, nomeadamente computadores e projetores, às Escolas Técnicas Vocacionais em todo o território nacional. Segundo explicou, os equipamentos já se encontram no Centro de Logística e Aprovisionamento, aguardando apenas o processo de instalação e distribuição.

“Atualmente existem 32 Escolas Técnicas Vocacionais em Timor-Leste. Contudo, devido às limitações de equipamentos, a primeira fase dará prioridade a algumas escolas públicas antes da expansão para todas”, declarou Sua Excelência o Secretário de Estado do ESG-ESTV.

No mesmo local, a CEO da Bali Business eSchool, Dra. Mirsa Umiyati, S.S.Hum., agradeceu ao Gabinete do Secretário de Estado do ESG-ESTV pela oportunidade concedida para partilhar experiências e conhecimentos com os participantes.

A responsável explicou que os principais temas abordados no workshop estão divididos em três áreas. A primeira centra-se na inovação das metodologias de ensino, incentivando os professores a implementarem criatividade, inovação e novas competências nas salas de aula, especialmente no ensino técnico-vocacional.

A segunda aborda a digitalização e a utilização otimizada das plataformas Google como suporte ao processo de aprendizagem, incluindo ferramentas como Google Drive, Google Forms, Google Sheets e Google Workspace, com o objetivo de fortalecer os sistemas de aprendizagem digital nas escolas.

O workshop contou ainda com a participação do Diretor-Geral do Ensino Secundário, Sr. Deolindo da Cruz; do Diretor Nacional do Ensino Secundário Geral e Diretor Interino do Ensino Secundário Técnico-Vocacional, Sr. Benjamin da Cruz Fernandes; do Vice-Presidente do INFORDEPE; de chefes de departamento; bem como de participantes provenientes das Escolas Técnicas Vocacionais Públicas de Timor-Leste, juntamente com a CEO da Bali Business eSchool, Dra. Mirsa Umiyati, S.S.Hum.

#MediaME
Jornalistas: Mario Vidal & Eurico