Lospalos, 7 Agostu 2026 — Sekretáriu Estadu Ensinu Sekundáriu Jerál no Ensinu Sekundáriu Tékniku-Vokasionál (ESJ-ESTV), Sr. Domingos Lopes Lemos, entrega ekipamentu edukativu ba Escola Ensinu Sekundáriu Tékniku-Vokasionál (ESTV) Númeru 1 Lospalos, Munisípiu Lautém, nu’udar parte husi esforsu Ministériu Edukasaun atu hadi’a kondisaun no apoiu ba prosesu ensinu no aprendizajen, liuliu iha área téknika no prátika.
Iha atividade ne’e, Sekretáriu Estadu ESJ-ESTV akompaña husi Diretór-Jerál Ensinu Sekundáriu, Sr. Deolindo da Cruz, no Diretór Nasionál Ensinu Sekundáriu, Sr. Benjamin Fernandes.
Iha nia intervensaun, Sr. Domingos Lopes Lemos hateten katak Ministériu Edukasaun kontinua fó atensaun ba nesesidade eskola sira, liuliu iha aspetu ekipamentu ne’ebé bele suporta diretamente prosesu aprendizajen estudante sira.
“Ami lori ekipamentu sira hanesan komputadór marka Lenovo hamutuk 20, printer 2 no ekipamentu ba área konstrusaun sivil hamutuk 16, ne’ebé distribui ona ba eskola sira,” hateten Sekretáriu Estadu.
Nia mós husu ba manorin no estudante sira atu kuidadu no uza ekipamentu ne’ebé simu ona ho responsabilidade, atu bele garante nia durabilidade no uza ho efetivu ba prosesu ensinu-aprendizajen.
Sekretáriu Estadu subliña katak ekipamentu sira-ne’e importante tebes, liuliu ba estudante sira ne’ebé aprende iha área téknika, inklui matéria Teknolojia no Multimédia, ne’ebé presiza atividade prátika no uza ekipamentu apropriadu atu dezenvolve kompeténsia estudante sira.
Nia enkoraja estudante sira iha Escola ESTV Númeru 1 Lospalos atu aproveita oportunidade ne’ebé iha, estuda ho seriedade no dezenvolve sira-nia abilidade iha área téknika, atu iha futuru bele sai profisionál kompetente no kontribui ba dezenvolvimentu Timor-Leste.
“Aproveita tempu ho di’ak, estuda maka’as liután iha área téknika, atu iha futuru imi bele sai ema ne’ebé iha kompeténsia no kontribui ba dezenvolvimentu di’ak ba imi-nia rai,” nia afirma.
Hafoin vizita no entrega ekipamentu iha Escola ESTV Númeru 1 Lospalos, Sekretáriu Estadu ESJ-ESTV hamutuk ho ekipa kontinua vizita ba Escola ESTV Númeru 2 Lospalos.
Vizita ne’e ho objetivu atu observa diretamente kondisaun infraestrutura no ambiente eskola, inklui dezafiu sira ne’ebé manorin no estudante sira enfrenta durante prosesu ensinu-aprendizajen, nu’udar parte husi esforsu Ministériu Edukasaun atu asegura melloria kontínua ba kualidade edukasaun téknika-vokasionál iha Timor-Leste.
[PORTU]
SECRETÁRIO DE ESTADO DO ESJ-ESTV ENTREGA EQUIPAMENTOS EDUCATIVOS À ESCOLA ESTV N.º 1 DE LOSPALOS
Lospalos, 7 de agosto de 2026 — O Secretário de Estado do Ensino Secundário Geral e do Ensino Secundário Técnico-Vocacional (ESJ-ESTV), Sr. Domingos Lopes Lemos, entregou equipamentos educativos à Escola do Ensino Secundário Técnico-Vocacional (ESTV) N.º 1 de Lospalos, no Município de Lautém, no âmbito dos esforços do Ministério da Educação para melhorar as condições das escolas e reforçar o apoio ao processo de ensino e aprendizagem, particularmente nas áreas técnicas e práticas.
A atividade contou com a presença do Diretor-Geral do Ensino Secundário, Sr. Deolindo da Cruz, e do Diretor Nacional do Ensino Secundário, Sr. Benjamin Fernandes.
Na sua intervenção, o Secretário de Estado do ESJ-ESTV salientou que o Ministério da Educação continua a prestar especial atenção às necessidades das escolas, nomeadamente no que respeita à disponibilização de equipamentos capazes de apoiar diretamente o processo de aprendizagem dos alunos.
“Trouxemos equipamentos, nomeadamente 20 computadores da marca Lenovo, duas impressoras e 16 equipamentos destinados à área da construção civil, que foram distribuídos às escolas”, afirmou o Secretário de Estado.
Domingos Lopes Lemos apelou igualmente aos professores e alunos para que cuidem dos equipamentos recebidos e os utilizem de forma responsável, de modo a garantir a sua durabilidade e a sua utilização eficaz no processo de ensino e aprendizagem.
O Secretário de Estado sublinhou ainda a importância destes equipamentos, sobretudo para os alunos que frequentam áreas de formação técnica, incluindo a disciplina de Tecnologia e Multimédia, que exige atividades práticas e a utilização de equipamentos adequados para o desenvolvimento das competências dos estudantes.
Na ocasião, encorajou os alunos da Escola ESTV N.º 1 de Lospalos a aproveitarem as oportunidades disponíveis, a dedicarem-se aos estudos e a desenvolverem as suas competências nas áreas técnicas, preparando-se para, no futuro, se tornarem profissionais qualificados e contribuírem para o desenvolvimento de Timor-Leste.
“Aproveitem bem o vosso tempo e estudem com mais dedicação nas áreas técnicas, para que, no futuro, possam tornar-se pessoas competentes e contribuir para um melhor desenvolvimento do nosso país”, afirmou.
Após a visita e a entrega dos equipamentos à Escola ESTV N.º 1 de Lospalos, o Secretário de Estado do ESJ-ESTV e a sua equipa prosseguiram a visita à Escola ESTV N.º 2 de Lospalos.
A visita teve como objetivo observar diretamente as condições das infraestruturas e o ambiente escolar, bem como conhecer os desafios enfrentados pelos professores e alunos no decorrer do processo de ensino e aprendizagem.
A iniciativa insere-se nos esforços do Ministério da Educação para promover a melhoria contínua da qualidade do ensino técnico-vocacional em Timor-Leste.
MédiaME
