Aileu, 29 Jullu 2026 – Ministériu Edukasaun, liuhusi Superintendente Edukasaun Munisípiu Aileu, hamutuk ho Diretór Munisipál, Kordenadór, no Inspetór Munisipál realiza formasaun kona-ba reforma kurríkulu etapa daruak ba klase 8 nian ba manorin sira iha ESTV Aileu Vila, Munisípiu Aileu.
Superintendente Edukasaun Munisípiu Aileu, Francisco Bere hatete, reforma kurríkulu ba klase 8 nian ne’e ho objetivu atu fó biban ba estudante sira dezenvolve sira-nia kompeténsia kolaborativa, krítika, kriativa no komunikativa.
“Objetivu husi reforma kurrikulár ba klase 8 mak dalan ida atu estudante sira la'ós de'it dekór ka memoriza deit matèria maibé oinsá atu sira bele kompriende no aplika. Reforma kurrikulár ne'e bazeia ba kuadru kompeténsia ne'ebé foka liu ba kualidade ensinu, hodi prepara estudante sira atu bele rezolve problema, iha hanoin krítiku, no servisu ekipa”, dehan Superintendente Francisco ba formandu sira iha abertura formasaun faze II nian iha Munisípiu Aileu.
Iha fatin hanesan, Koordenadór Edukasaun Munisípiu Aileu, Tomás Gunda esplika katak, reforma kurrikulár ne'e ho objetivu atu muda husi kurríkulu tuan mai kurríkulu foun ne'ebé sei implementa husi etapa tuir etapa. Nia haktuir katak, iha tinan 2025 hahú ona formasaun klase 7 nian, iha tinan 2026 kontinua formasaun ba klase 8 nian, no iha tinan oin sei implementa to'o tinan 2028.
Tuir formadór Munisipál, Isabel Nascimento da Silva iha entrevista hatete katak, reforma kurríkulu mak baze prátika pedagójika ida-ne'ebé involve konteúdu sira atu bele aprende liuhosi atividade ensinu no aprendizajen loro-loron nian iha eskola. Nia mós salienta katak, reforma kurríkulu ne'e presiza tebes atu hadi'a kualidade edukasaun hodi troka kurríkulu tuan ho kurríkulu atualizadu.
Partisipante sira ba formasaun ne'e hamutuk ema na'in-49, kompostu husi manorin dixiplina Matemátika na'in-17 (Mane 14 no Feto 3), manorin dixiplina Edukasaun Fízika na'in-16 (Mane 15 no Feto 1), no manorin dixiplina Saúde no Bem-Estar na'in-16 (Mane 11 no Feto 5). Sira hotu reprezenta eskola ensinu báziku siklu datoluk (EBC)Públiku no Privadu iha Munisípiu Aileu.
[PORTU]
REFORMA CURRICULAR REFORÇA AS COMPETÊNCIAS DOS ESTUDANTES E MELHORA A QUALIDADE DO ENSINO
Aileu, 29 de julho de 2026 – O Ministério da Educação, através da Superintendência da Educação do Município de Aileu, em coordenação com o Diretor Municipal, os Coordenadores e o Inspetor Municipal da Educação, realizou a segunda fase da formação sobre a reforma curricular para os professores do 8.º ano, nas instalações da Escola Secundária Técnico-Vocacional (ESTV) de Aileu Vila, Município de Aileu.
O Superintendente da Educação do Município de Aileu, Francisco Bere, afirmou que a reforma curricular do 8.º ano tem como objetivo proporcionar aos estudantes oportunidades para desenvolver competências de colaboração, pensamento crítico, criatividade e comunicação.
“O objetivo da reforma curricular do 8.º ano é fazer com que os estudantes deixem de se limitar à memorização dos conteúdos e passem a compreendê-los e aplicá-los na prática. Esta reforma baseia-se num quadro de competências centrado na melhoria da qualidade do ensino, preparando os estudantes para resolver problemas, desenvolver o pensamento crítico e trabalhar em equipa”, afirmou Francisco Bere, durante a sessão de abertura da segunda fase da formação, no Município de Aileu.
Na mesma ocasião, o Coordenador da Educação do Município de Aileu, Tomás Gunda, explicou que a reforma curricular visa a transição do currículo anterior para um novo currículo, cuja implementação será feita de forma faseada. Acrescentou que a formação para o 7.º ano teve início em 2025, prossegue em 2026 com o 8.º ano e continuará progressivamente até 2028.
Por sua vez, a formadora municipal Isabel Nascimento da Silva referiu, em entrevista, que a reforma curricular constitui a base de uma prática pedagógica que integra os conteúdos curriculares em atividades de ensino e aprendizagem desenvolvidas no quotidiano escolar. Sublinhou ainda que esta reforma é essencial para melhorar a qualidade da educação, através da substituição do currículo anterior por um currículo atualizado e mais adequado às necessidades atuais.
A formação contou com a participação de 49 professores, dos quais 17 docentes de Matemática (14 homens e 3 mulheres), 16 docentes de Educação Física (15 homens e 1 mulher) e 16 docentes da disciplina de Saúde e Bem-Estar (11 homens e 5 mulheres). Todos os participantes representam escolas públicas e privadas do 3.º Ciclo do Ensino Básico (EBC) do Município de Aileu.
#MédiaME
#MateusdosSantos
