𝙈𝙄𝙉𝙄𝙎𝙏𝙍𝙐 𝙀𝘿𝙐𝙆𝘼𝙎𝘼𝙐𝙉 𝙄𝙉𝙏𝙀𝙍𝙄𝙉𝙐 𝙃𝘼𝙇𝙊 𝘼𝘽𝙀𝙍𝙏𝙐𝙍𝘼 𝙁𝙊𝙍𝙈𝘼𝙎𝘼𝙐𝙉 𝙆𝙊𝙉𝘼-𝘽𝘼 𝙄𝙎𝙏Ó𝙍𝙄𝘼 𝘽𝘼 𝘿𝘼𝙈𝙀 𝘽𝘼 𝙈𝘼𝙉𝙊𝙍𝙄𝙉 𝙀𝙉𝙎𝙄𝙉𝙐 𝘽Á𝙕𝙄𝙆𝙐 3⁰ 𝙎𝙄𝙆𝙇𝙐 𝙉𝙊 𝙀𝙉𝙎𝙄𝙉𝙐 𝙎𝙀𝙆𝙐𝙉𝘿Á𝙍𝙄𝙐

RAEOA, Segunda-feira loron 21 fulan Abril 2025
Sua Exelénsia Ministru Edukasaun Interinu Sr. Domingos Lopes Lemos, halo abertura ba formasaun kona-ba istória ba dame ba manorin Ensinu Báziku 3⁰ siklu no Ensinu Sekundáriu 2025, iha Hotel Oe- Upun RAEOA.

Iha Diskursu Sua Exelénsia Ministru Edukasaun Interinu Sr. Domingos Lopes Lemos, hateten atividade ida ohin ne'e importante tebetebes iha ba manorin sira iha Raeoa, matéria sira ne'ebé manorin-na’in sira hetan iha formasaun bele fahe ba estudante sira.

"Manorin-na'in mak sentru hodi fahe informasaun ne'e ba estudante sira atu nune'e sira mós iha konxiénsia di'ak prosesu luta ne'ebé inan-aman sira halo hela prosesu ne'e boot tebetebes".

Governante ne’e dehan, formasaun ne’e importante tebetebes ba manorin-na’in sira durante loron lima nia laran husu manorin-na’in sira tuir ho sériu, tanba ne'e istória, tenke rona didi'ak husi formadór sira, tenke seriedade atu nune'e bele hetan matéria ho didi'ak nune'e filafali ba eskola bele transmite ba estudante sira.

Fatin hanesan Manorin-na’in Agustinho Neca, espresa sentimentu kontente tanba formasaun ne’e di’ak tebes tanba liuhusi formasaun ne’e bele aprofunda liután sira nia koñesimentu nune'e bele fahe ba estudante sira no komunidade sira liuhusi siénsia ne'ebé formadór sira fahe.

"Koñesimentu ne'ebé iha bele mellora di'ak liután hodi bele hato'o ba sosiedade sira atu nune'e sira bele hatene kona-ba ita-nia istória sira, tanba liu husi istória bele kria dame, paz, estabilidade no dezenvolvimentu ba ita-nia rai".

Manorin-na’in haatnulu (40) husi Ensinu Báziku 3⁰ Siklu no Ensinu Sekundáriu iha mak tuir formasaun, formasaun ne’e hala’o durante loron lima iha RAEOA.

formasaun ne’e realiza husi Ministériu Edukasaun servisu hamutuk ho nia parseiru sira mak hanesan, Centro Nacional Chega. I.P, United Nations Educational, Scientific and Cultural Organization (UNESCO), Korea International Cooperation Agency (KOICA), Formasaun ne’e hala'o durante loron Lima.

#MédiaME