[𝕋𝔼𝕋𝕌ℕ/ℙ𝕆ℝ𝕋𝕌]
Dili – Loron tersa-feira, 08 abril 2025
Felisberto da Silva Soares, nu’udar manorin-na’in husi Eskola Ensinu Báziku 1° no 2° Beduku, husu ba Ministériu Edukasaun atu reforma, tanba sofre moras iha ain hahú husi tinan 2022, hodi rezulta profesór refere labele kontinua hanorin estudante sira iha eskola, maski tenta nafatin ba hanorin estudante sira, maibé labele. Dada-lia ne’e akontese, bainhira Sua Exelénsia Ministra Edukasaun, Dra. Dulce de Jesus Soares hamutuk ho ekipa, hala’o vizita ba rezidénsia profesór nian iha Beduku.
Iha dada-lia ne’e, Profesór, Felisberto da Silva Soares, hateten, nia parte agradese tebes ba vizita husi Sua Exelénsia Ministra Edukasaun, Dra. Dulce de Jesus Soares, maski udan boot, maibé konsege to’o iha fatin ne’e hodi haree kondisaun ne’ebé nia enfrenta hela, hodi bele tama ba reforma.
“Ha’u agradese tebes ba Sua Exelénsia Ministra Edukasaun, Dra. Dulce de Jesus Soares, ne’ebé mak ho lokraik kmanek ida-ne’e, maski udan boot, maibé ho esforsu-an tomak, mai to’o iha ne’e hodi hasoru malu ho ha’u i ha’u agradese tebes, tanba mai atu haree ha’u-nia kondisaun, atu bele tama ba reforma”, dehan Profesór, Felisberto da Silva Soares.
Profesór ne’e hatutan, karik kondisaun di’ak, mak nafatin kontribui liuhusi hanorin timoroan sira, maibé kondisaun la permite no idade mós tama ona ba reforma, nune’e bele fó mós fatin ba joven produtivu sira atu bele hanorin timoroan sira.
Iha fatin hanesan, Sua Exelénsia Ministra Edukasaun, Dra. Dulce de Jesus Soares, hateten, ohin mai vizita Profesór, Felisberto da Silva Soares, ne’ebé hanorin tinan barak iha EBF Beduku, hodi esplika ba sira kona-ba reforma ne’e, karik sira labele kontinua hanorin, Ministériu Edukasaun buka dalan atu bele kompleta filafali profesór iha eskola sira.
“Profesór, Felisberto da Silva Soares, hanorin tinan barak ona, no tuir istória ne’ebé profesór ne’e haktuir, eskola EBF Beduku, profesór Felisberto mak loke rasik, no ohin mai vizita ne’e bazeia ba lista ne’ebé Rekursu Umanu Ministériu Edukasaun simu husi Edukasaun Munisípiu Dili, ne’ebé simu husi eskola sira kona-ba lista profesór no profesora sira ne’ebé tama iha lista ‘doença prolongada’, signifika katak sira moras tempu naruk no lakonsege ona kontinua servisu hanesan profesór no profesora”, dehan S.E. Ministra Edukasaun.
Governante ne’e hatutan, Ministériu Edukasaun, hamutuk ho Komisaun Funsaun Públika no Institutu Nasionál Seguransa Sosiál, iha inisiativa hodi halo komisaun konjunta ida hodi haree rasik kondisaun husu profesór sira, no ekipa ne’e iha mós médiku ida hodi halo junta médika kona-ba kondisaun profesór atu haree moras ne’ebé sira enfrenta.
Sua Exelénsia Ministra Edukasaun, Dra. Dulce de Jesus Soares, hakle’an, Ministériu Edukasaun agradese tebetebes ba profesór no profesora, tanba sira-nia dedikasaun durante ne’e ba hanorin estudante sira, ita selu labele.
Hafoin remata dada-lia ho Profesór Felisberto, S.E. Ministra Edukasaun, Dra. Dulce de Jesus Soares, hala’o mós vizita ba Eskola EBF Beduku, hodi haree direta kondisaun eskola nian no dada-lia mós ho manorin sira, antes fahe malu.
Profesór, Felisberto da Silva Soares hahú hanorin iha tinan 2001, iha Munisípiu Ermera, hafoin kompleta tinan 3 iha Ermera, transfere mai iha Dili, to’o iha tinan 2022 nia hetan moras iha ain hodi rezulta Profesór, Felisberto da Silva Soares, labele kontinua hanorin to’o agora.
==============================
𝙁𝙚𝙡𝙞𝙨𝙗𝙚𝙧𝙩𝙤 𝙙𝙖 𝙎𝙞𝙡𝙫𝙖 𝙎𝙤𝙖𝙧𝙚𝙨, 𝙥𝙚𝙙𝙚 𝙧𝙚𝙛𝙤𝙧𝙢𝙖 𝙙𝙖 𝙨𝙪𝙖 𝙘𝙖𝙧𝙧𝙚𝙞𝙧𝙖 𝙘𝙤𝙢𝙤 𝙥𝙧𝙤𝙛𝙚𝙨𝙨𝙤𝙧 𝙙𝙚𝙫𝙞𝙙𝙤 à 𝙨𝙪𝙖 𝙘𝙤𝙣𝙙𝙞çã𝙤 𝙙𝙚 𝙎𝙖ú𝙙𝙚
Díli – terça-feira, 8 de abril de 2025
Felisberto da Silva Soares, um professor da Escola Básica Filiál 1⁰ e 2⁰ ciclo Beduku, solicitou ao Ministério da Educação a sua reforma devido a problemas de saúde persistentes, resultantes de uma doença iniciada em 2022. Apesar de ter tentado, por diversas vezes, continuar a lecionar, o professor não conseguiu dar aulas aos estudantes. A conversa deu-se aquando a visita de Sua Excelência Ministra da Educação, Dra. Dulce de Jesus Soares, à residência do professor em Beduku, na qual teve oportunidade de verificar pessoalmente as suas condições.
Durante a visita, o Professor Felisberto da Silva Soares expressou o seu agradecimento pela presença da Sra. Ministra, sublinhando que, apesar das difíceis condições climatéricas, foi possível receber a visita, que lhe permitiu expor as dificuldades que enfrenta e assim dar início ao processo de reforma.
"Quero expressar o meu profundo agradecimento à Sua Excelência, a Ministra da Educação, Dra. Dulce de Jesus Soares, por ter feito o esforço de vir até aqui, apesar das dificuldades climáticas. A sua visita é de grande importância para que possa ver a minha situação e dar início ao processo de reforma", afirmou o Professor Felisberto da Silva Soares.
O professor explicou ainda que, caso estivesse bem, continuaria a contribuir com a educação de jovens, mas a sua condição de saúde e a sua idade não permitem que continue a sua carreira como docente, pelo que vê na reforma uma forma dar a vez a jovens mais produtivos para que possam ocupar o seu lugar e ensinar as futuras gerações.
Por sua parte, a Ministra da Educação, Dra. Dulce de Jesus Soares, destacou a importância da visita, sublinhando que o professor Felisberto da Silva Soares tem vindo a contribuir significativamente ao longo dos anos, para com a educação na Escola Básica de Beduku. Explicou que a situação do professor é uma das várias que o Ministério da Educação está a analisar, no sentido de proporcionar soluções para aqueles que, devido a condições de saúde prolongadas, não podem continuar a sua atividade profissional.
"O Professor Felisberto da Silva Soares tem muitos anos de serviço e, de acordo com a sua história, a escola EBF Beduku sempre reconheceu o seu esforço. Esta visita faz parte de um trabalho contínuo do Ministério da Educação, que, com o apoio dos Recursos Humanos, está a analisar as situações dos professores que estão na lista de 'doença prolongada', ou seja, que sofreram doenças graves e não conseguem continuar a sua carreira", afirmou a Ministra da Educação.
A governante explicou ainda que o Ministério da Educação, em colaboração com a Comissão da Função Pública e o Instituto Nacional de Segurança Social, está a criar uma comissão conjunta para avaliar as condições dos professores e realizar exames médicos para verificar as condições de saúde que os impedem de continuar o seu trabalho. O objetivo é garantir que esses profissionais possam ser apoiados e que a sua situação seja tratada adequadamente.
A Ministra concluiu agradecendo profundamente a todos os professores pelo seu compromisso e dedicação ao longo dos anos, destacando a importância do trabalho desenvolvido na formação das novas gerações.
Após a visita à residência do professor Felisberto, a Ministra da Educação, Dra. Dulce de Jesus Soares, visitou também a Escola Básica de Beduku, observando as condições da escola e conversar diretamente com os professores, antes de encerrar a sua visita.
O Professor Felisberto da Silva Soares iniciou a sua carreira de ensino em 2001 no Município de Ermera, completando três anos de serviço. Transferiu-se para Díli, onde continuou a lecionar até 2022, quando foi afetado pela sua doença, o que o impediu de continuar a ensinar.
#MédiaME
