Díli, 10 Fevereiro 2026
Sua Exelénsia Ministru Edukasaun Interinu Sr. Domingos Lopes Lemos, hala'o enkontro ho Reitor Hariyono MPd husi Universidade Negeri Malang Indonezia no ekipa, iha sala VIP, Ministériu Edukasaun tersa-feira ne’e.
Enkontro ne’e ho objetivu atu fahe informasaun no hametin kooperasaun entre Ministériu Edukasaun no Universidade Negeri Malang Indonezia, liu-liu iha área edukasaun. Iha tempu badak, instituisaun rua ne’e planu atu asina nota entendimentu nune’e bele implementa kooperasaun.
Universidade Negeri Malang Indoneszia mos hato’o sira nia prontidaun atu fó bolsa estudu ba profesór sira no joven sira ne’ebé remata ona sira nia nivel ensinu sekundáriu, hodi kontinua sira nia estudu ba nivel lisensiatura, mestradu no doutoramentu.
Sorumutu ne’e hetan partisipasaun husi Diretór Jerál Edukasaun Pré-eskolár Ensinu Báziku no Rekorrente Sr. Apolinário Serpa Rosa, Diretór Nasionál Ensinu Sekundáriu Jeral Sr. Benjamin Fernandes da Cruz, Xefe Departamentu Ensinu Sekundário no ekipa delegasaun husi Universidade Negeri Malang.
[PORTU]
MINISTRO DA EDUCAÇÃO INTERINO REÚNE-SE COM EQUIPA DA UNIVERSIDADE NEGERI MALANG
Díli, 10 de fevereiro de 2026 — Sua Excelência o Ministro da Educação Interino, Domingos Lopes Lemos, reuniu-se esta terça-feira, na sala VIP do Ministério da Educação, com o Reitor Hariyono, MPd, da Universidade Negeri Malang, da Indonésia, acompanhado pela respetiva equipa.
O encontro teve como objetivo a partilha de informações e o reforço da cooperação entre o Ministério da Educação e a Universidade Negeri Malang, com especial incidência na área da educação. A curto prazo, as duas instituições preveem assinar um memorando de entendimento, que permitirá formalizar e implementar ações concretas de cooperação.
Durante a reunião, a Universidade Negeri Malang manifestou igualmente a sua disponibilidade para conceder bolsas de estudo a docentes e a jovens que tenham concluído o ensino secundário, possibilitando a continuação dos estudos ao nível da licenciatura, mestrado e doutoramento.
O encontro contou ainda com a participação do Diretor-Geral da Educação Pré-Escolar, Ensino Básico e Recorrente, Apolinário Serpa Rosa, do Diretor Nacional do Ensino Secundário-Geral, Benjamin Fernandes da Cruz, do Chefe do Departamento do Ensino Secundário, bem como da delegação da Universidade Negeri Malang.
#MediaME
