Dili, 26 Janeiru 2026
Sua Exelénsia Ministra Edukasaun Dra. Dulce de Jesus Soares akompaña husi Diretora Nasionál Ensinu Báziku Sra. Esterlita Soares hala’o vizita supreza ba Eskola Ensinu Báziku Filiál Siklu 1 no 2 Aidak Bihare, Postu Administrativu Kristu-Rei Munisípiu Dili.
Hafoin observa prosesu aprendizajen Ministra Edukasaun Dra. Dulce de Jesus Soares hatete, vizita ida- ne’e atu haree no observa direta prosesu aprendizajen estudante sira nian iha eskola refere tanba fulan ida- ne’e hanesan inísiu ba prosesu aprendizajen ba tinan ida-ne’e nian.
‘‘Estudante barak maka dala ruma profesór/a sira bainhira la fó atensaun maka estudante ne’ebé hatene, nafatin hatene maibé ida-ne’ebé lahatene no kontinua lahatene’’, tenik SE. Ministra.
Governante ne’e argumenta, baze ba edukasaun maka estudante husi klase 1 no 2, tanba ne’e iha klase 1 no 2 profesór/a sira tenki harii baze sólidu tebes-tebes ba estudante nia literasia no numerasia.
Enkuantu iha observasaun ne’e hatudu, estudante sira-nia partisipasaun másimu tebes-tebes iha matéria ne’ebé profesór/a sira hanorin iha turnu dadeer nian.
[PORTU]
MINISTRA DA EDUCAÇÃO OBSERVA DIRETAMENTE O PROCESSO DE APRENDIZAGEM NA ESCOLA EBF AIDAK-BIHARE
Díli, 26 de janeiro de 2026
Sua Excelência a Ministra da Educação, Dra. Dulce de Jesus Soares, acompanhada pela Diretora Nacional do Ensino Básico, Sra. Esterlita Soares, realizou uma visita surpresa à Escola do Ensino Básico Filial dos Ciclos 1 e 2 de Aidak Bihare, no Posto Administrativo de Cristo-Rei, Município de Díli.
Após observar o processo de aprendizagem, a Ministra da Educação afirmou que a visita teve como objectivo acompanhar e observar directamente o desenvolvimento das aulas na referida escola, uma vez que o mês de janeiro marca o início do processo de ensino e aprendizagem do presente ano lectivo.
“ Quando o professor/a não dá atenção aos alunos, aqueles que já sabem continuam sabendo, e os não sabem continuam sem saber” salientou a Ministra.
A governante defendeu ainda que a base da educação começa nos alunos do 1.º e 2.º anos de escolaridade, sublinhando que é nestes níveis que os professores devem construir uma base sólida, sobretudo ao nível da literacia e da numeracia.
Durante a observação, foi possível constatar uma participação muito activa dos estudantes nas matérias leccionadas pelos professores no turno da manhã.
#EliasdaCosta
#MédiaME
