Likisá, 16 outubru 2025
Sua Exelénsia Ministra Edukasun , Dra. Dulce de Jesus Soares hamutuk ho Embaixadór Japaun mai Timor-Leste Sr. Kimura Tetsuya no Prezidente Autoridade Munisípiu Likisá Sr. Paulino Ribeiro halo inaugurasaun ba eskola Ensinu Báziku Sentrál 03 Maubara, Postu Administrativu Maubara Munisípiu Likisá.
Iha diskursu, Sua Exelénsia Ministra Edukasun, Dra. Dulce de Jesus Soares hateten, ohin inaugura eskola ida ne’ebé harii ho fundu sira husi Japaun, liuhusi Fundasaun Hadia Dezenvolvimentu Ekonomia Rurál (HADER).
“Programa ida-ne’e sai susesu duni tanba guvernu Japaun rekoñese katak nasaun ida labele dezenvolve husi-nia governu de’it, maibé presiza kontribuisaun husi ema hotu iha nível organizasaun, komunidade no individu. Nune’e halo parseria entre governu ho sosiedade sivíl maka Timor-Leste bele la’o ba oin,” tenik S.E. Ministra.
Membru governu ne’e akrexenta tan katak, Japaun sai belun boot ho Timor-Leste dezde tinan 1999 no apoiu barak ona, relasiona ho infrastrutura ne’ebé presiza tebes, maibé mós liuhusi projetu sira ne’ebé apoia kurríkulu no resentamente ho profesór matemátika ne’ebé ajuda hanorin ka halo “co-teaching”.
Enkuantu iha sorin seluk, Embaixadór Japaun mai Timor-Leste Sr. Kimura Tetsuya argumenta, Japaun apoiu ona eskola lubuk ida iha Timor-Leste, tanba ne’e ho inaugurasaun ba eskola ida ohin, eskola hamutuk haatnulu (40) resin maka hetan apoiu husi governu Japaun.
“Governu Japaun konsidera edukasaun maka pilár importante ida ba dezenvolvimentu nasaun nian, tanba ne’e ba eskola refere governu Japaun apoiu liuhusi konstrusaun edifísiu maibe kona-ba materiál sira hanesan kadeira ho meza ne’e hetan apoiu husi Ministériu Edukasaun rasik” dehan Embaxadór Japaun.
Iha serimónia inaugurasaun eskola EBC 03 Maubara hetan prezensa husi Sua Exelénsia Ministra Edukasun, Dra. Dulce de Jesus Soares, Embaixadór Japaun mai Timor-Leste Sr. Kimura Tetsuya, Prezidenete Autoridade Munisípiu Likisá Sr. Paulino Ribeiro, Komandante Eskuadra PNTL Maubara, Autoridade Lokál, Profesór no Estudante sira.
[PORTU]
MINISTRA DA EDUCAÇÃO E EMBAIXADOR DO JAPÃO INAUGURAM ESCOLA EBC 03 MAUBARA EM LIQUIÇÁ
Liquiçá, 16 de outubro de 2025 – A Ministra da Educação, Sua Excelência Dra. Dulce de Jesus Soares, acompanhada pelo Embaixador do Japão em Timor-Leste, Sr. Kimura Tetsuya, e pelo Presidente da Autoridade Municipal de Liquiçá, Sr. Paulino Ribeiro, presidiu à cerimónia de inauguração da Escola do Ensino Básico Central (EBC) 03 Maubara, localizada no Posto Administrativo de Maubara, Município de Liquiçá.
No seu discurso, a Ministra da Educação destacou que a escola agora inaugurada foi construída com financiamento do Governo do Japão, através da Fundação para o Desenvolvimento da Economia Rural .
“Este programa representa um verdadeiro sucesso, porque o Governo do Japão reconhece que uma nação não se desenvolve apenas através da ação governamental, mas necessita da contribuição de todos – organizações, comunidades e indivíduos. Por isso, parcerias entre o Governo e a sociedade civil são essenciais para o progresso de Timor-Leste”, sublinhou a governante.
A ministra acrescentou ainda que o Japão tem sido um parceiro estratégico e fiel de Timor-Leste desde 1999, prestando apoios importantes, não apenas ao nível da infraestrutura, mas também através de projetos educativos que fortalecem o currículo escolar e, mais recentemente, com a disponibilização de professores de Matemática que colaboram em regime de co-ensino com os docentes timorenses.
Por sua vez, o Embaixador do Japão em Timor-Leste, Sr. Kimura Tetsuya, afirmou que o Japão já apoiou a construção de mais de 40 escolas em todo o território timorense. Neste contexto, a inauguração da EBC 03 Maubara representa mais um marco significativo da cooperação entre os dois países.
“O Governo do Japão considera a educação como um pilar fundamental para o desenvolvimento nacional. Por isso, além da construção deste edifício escolar, foi também possível, em colaboração com o Ministério da Educação, providenciar mobiliário escolar, como mesas e cadeiras, essenciais para a aprendizagem dos alunos”, referiu o diplomata japonês.
A cerimónia contou com a presença da Ministra da Educação, do Embaixador do Japão, do Presidente da Autoridade Municipal de Liquiçá, do Comandante da Esquadra da PNTL de Maubara, autoridades locais, professores e estudantes da comunidade escolar.
#jornalistapauladelgado
#MediaME
