Dili, 09 Abríl 2026
Sua Exelénsia Ministra Edukasaun Dra.Dulce de Jesus Soares ho Asesór Espesiál Prezidente Repúblika ba Komérsiu no Investimentu Internasionál Sr. Peter R. Thompson halo diskusaun kona-ba formasaun ba profesór sira husi ensinu sekundáriu Tekniku vokasionál, iha sala VIP Ministériu Edukasaun Vila-Verde.
Hafoin remata diskusaun Sua Exelénsia Ministra Edukasaun Dra.Dulce de Jesus Soares ba jornalista sira hatete, ohin enkontru ho reprezentante Prezidente Repúblika nian hodi halo diskusaun no esplora posibilidade atu halo kooperasaun iha área formasaun ba eskola tekniku vokasionál.
" Ohin ami koalia katak posibilidade iha futuru atu bele fasilita formasaun ba ita-nia profesór sira husi eskola teknika vokasionál", tenik SE. Ministra.
Governante ne'e Argumenta, agora dadaun foin mak esplora hanoin sira no Ministériu Edukasaun sei halo planu hodi haree oinsá maka bele fó formasaun ba profesór sira.
Entretantu asesór Espesiál Prezidente Repúblika ba Komérsiu no Investimentu Internasionál Sr. Peter R. Thompson aprofunda, ohin mai iha ne'e atu haree posiblidade hodi bele fasilita formasaun ba profesór sira husi eskola teknika vokasionál.
#EliasdaCosta
#MédiaME
