Dili, 26 fevereiru 2026
Sua Exelénsia Ministra Edukasaun Dra. Dulce de Jesus Soares hala’o enkontru ho Embaixadór Indonésia iha Timor-Leste Sr. Okto Dorinus Manik ho delegasaun hodi diskute kona-ba Bolsa Estudu ne’ebé Governu Indonésia liuhusi Pusat Budaya Indonesia (PBI) oferese ba Timoroan sira hodi kontinua estudu iha nivél lisensiatura, mestradu no doutoramentu, iha sala VIP Ministériu Edukasaun Vila-Verde.
Hafoin remata enkontru Sua Exelénsia Ministra Edukasaun Dra. Dulce de Jesus Soares ba jornalista sira hatete, dadeer ne’e, enkontru ho embaixadór Indonésia iha Timor-Leste hodi ko’alia kona-ba servisu ne’ebé hala’o ona hanesan bolsa estudu sira.
ʺEmbaixadór mós entrega dokumentu sira kona-ba bolsa estudu nian ne’ebé sei oferese ba timoroan sira hamutuk na’in 250 ba baixarelatu, lisensiatura, mestradu no doutoramentu nian. Tanba ne’e, nakloke ba Timoroan sira atu bele aplikaˮ, tenik SE. Ministra.
Enkuantu, Embaixadór Indonesia iha Timor-Leste Sr. Okto Dorinus Manik argumenta, rejistrasaun hahú ona liuhusi TIAS ka ( The Indonesian Arts and Scholarship ) ba timoroan na’in 250 hodi kontinua iha nivel baixarelatu, lisensiatura, mestradu no doutoramentu.
ʺ Ida-ne’e oportunidade ba Timoran sira atu bele aplika nomós livre ba timoroan sira atu hili universidade sira iha Indonesia bazeia ba lista universidade nian ne’ebé ekipa Selesaun husi Indonésia preparaˮ, dehan Embaixadór Indonesia.
Enkontru ne’e, marka prezensa husi Sua Exelénsia Ministra Edukasaun Dra. Dulce de Jesus Soares, Embaixadór Indonésia iha Timor-Leste Sr. Okto Dorinus Manik ho delegasaun nomós dirijente Ministériu Edukasaun.
[PORTU]
Ministra da Educação e Embaixador da Indonésia discutem Bolsas de Estudo para Timorenses
Díli, 26 de fevereiro de 2026 – Sua Excelência a Ministra da Educação, Dra. Dulce de Jesus Soares, reuniu-se com o Embaixador da Indonésia em Timor-Leste, Okto Dorinus Manik, acompanhado pela sua delegação, para discutir bolsas de estudo disponibilizadas pelo Governo da Indonésia, através do Centro Cultural Indonésio (PBI), destinadas a estudantes timorenses que pretendam prosseguir estudos ao nível de licenciatura, mestrado e doutoramento. O encontro teve lugar na sala VIP do Ministério da Educação, em Vila Verde.
Após a reunião, a Ministra afirmou aos jornalistas que o encontro permitiu abordar o trabalho já realizado no âmbito das bolsas de estudo.
Segundo a governante, foram entregues documentos relativos à oferta de 250 bolsas de estudo para estudantes timorenses, abrangendo os níveis de bacharelato, licenciatura, mestrado e doutoramento, encontrando-se o processo de candidatura aberto.
Por seu turno, o Embaixador Okto Dorinus Manik informou que o registo já se encontra aberto através do programa TIAS (The Indonesian Arts and Scholarship), destinado a 250 estudantes timorenses.
O diplomata referiu ainda que se trata de uma oportunidade para os timorenses candidatarem-se e escolherem universidades na Indonésia, com base na lista de instituições preparada pela equipa de seleção indonésia.
O encontro contou com a presença da Ministra da Educação, do Embaixador da Indonésia em Timor-Leste e respetiva delegação, bem como de dirigentes do Ministério da Educação.
#EliasdaCosta
#MédiaME
