Dili, 06 maiu 2026
Sua Exelénsia Ministra Edukasaun Dra. Dulce de Jesus Soares ho delegasaun sira husi Comunidade dos Paises da Língua Portuguesa (CPLP) hala'o vizita no tau ai-funan ba eroi sira iha semitériu SANTA KRUZ.
Iha Vizita husi Sua Exelénsia Ministra Edukasaun Dra. Dulce de Jesus Soares ho delegasaun ne'e simu direta husi Prezidente no Estrutura Komité 12 de Novembro nian nomós familia husi eroi no eroina sira ne'ebé mate iha akontesimentu masakre santa kruz 12 novembru 1991.
Nune'e hafoin vizita, Sua Exelénsia Ministra Edukasaun Dra. Dulce de Jesus Soares hatete, masakre Santa Cruz iha tinan 1991, loron trájiku ida ne’ebe joven timor-oan atus resin lakon sira nia vida, bainhira halo protestu pasífiku ba sira nia direitu ba autodeterminasaun no sai mós símbolu maka’as ida ba rekuperasaun, reziliénsia no korajen inspiradora husi povu ida ne’ebe moris husi trajédia hodi hetan independénsia.
"Ha'u agradese tebes ho prezensa prezidente ho estrutura no familia Komité 12 Novembru nian hodi simu delegasaun sira husi CPLP, atu bele fó lembra ita-nia istoria pasadu nian ba delegasaun sira. Ida ne'e hanesan momentu importante ida atu bele fó informasaun lolos kona-ba akontesimentu masakre santa kruz nian iha tinan 1991 liubá", Ministra Agradese.
Enkuantu Prezidente Komité 12 Novembru Sr. Gregoriu Sandanha akresenta, importante tebe-tebes Ministériu Edukasaun nia funsionamentu liga ho istoria sira atu nune'e bele existe nafatin husi jerasaun ba jerasaun.
"Hau husu Ministériu Edukasaun atu nafatin haklaken ita-nia istoria sira liuliu ba ita-nia estudante sira tanba ne'e hanesan memória importante ida atu bele konta husi jerasaun ba jerasaun", Prezidente Komité 12 Novembru husu.
# EliasdaCosta
#MédiaME
