Manatuto, 20 Outubru 2025
Sua Exelénsia Ministra Edukasaun Dra. Dulce Jesus Soares akompaña husi dirijente ministériu edukasaun nian hala'o abertura ezame nasionál iha Eskola Sekundária Jerál Kay Rala, iha Postu Administrativu Manatuto-Vila Munisípiu Manatuto.
Hafoin abertura Sua Exelénsia Ministra Edukasaun, Dra. Dulce Jesus Soares, hateteN, ohin loron Ministériu Edukasaun hala'o ezame nasionál iha territoriu nasionál ba ensinu báziku no ensinu sekundáriu.
"Ohin hau iha oportunidade mai halo abertura ba ezame nasionál iha Eskola Sekundáriu Jerál Kay Rala Xanana Gusmão nomós observa ba Eskola EBC Beadi, Eskola Cafe Manatuto no Eskola Sekundária Jerál Katólika Santu António iha munisípiu Manatuto", Dehan S.E. Ministra.
Governante ne'e informa, enjerál ezame nasionál iha munisípiu Manatuto la'o di'ak tebes no koko atu haree estudante sira prienxe mak estudante balun uza folla raskuña hodi verifika sira-nia pontus no balun lae, maibé espera katak rezultadu ezame bele di'ak hotu.
Ita dezeju susesu ba estudante sira hotu nia estudu durante tinan sia iha ensinu báziku no tinan tolu iha ensinu sekundáriu tanba ne'e hein katak estudante sira ne'e bele hotu estudu ho di'ak, atu nune'e bele kontinua estudu iha níl akadémiku tuir mai.
#MÉDIAME
