Dili, 13 fevereiru 2026
Sua Exelénsia Ministra Edukasaun Dra.Dulce de Jesus Soares hala'o reuniaun ho reprezentante labarik feto sira husi Munisípiu 13 inklui RAEOA hodi ko'alia kona-ba dezenvolvimentu labarik feto nian, iha sala VIP Ministériu Edukasaun Vila-Verde.
Iha Intervensaun Sua Exelénsia Ministra Edukasaun Dra.Dulce de Jesus Soares hatete, INDICA sempre servisu ba governu, tanba durante ne'e INDICA maka servisu hamutuk ho Ministériu hotu atu garante labarik feto nia direitu ba lian no nesesidade sira.
"Ami ekipa halo diskusaun bo'ot ida no ikus ita-nia nasaun deside labarik maka sira ne'ebé ho tinan 17 mai kraik maibe tuir loloos konvesaun direitu labarik nian deside husi tinan 18 tanba ne'e hanesan de'it tanba labarik ida hetan atendimentu la'os tan tinan 17 maibé iha nia moris tomak", tenik Ministra.
Fatin hanesan Prezidente INDICA Sra. Dinorah Granadeiro informa, enkontru ida ne'e hanesan enkontru daruak hodi ko'alia kona-ba dezenvolvimentu labarik feto sira nian nomós INDICA servisu hamutuk ho governu hodi responde ba preokupasaun labarik feto sira nian.
"Ho prezensa labarik feto sira nian ne'e atu rona diretamente husi Sua Exelénsia Ministra kona-ba progresu servisu no polítika balun ne'ebé iha ligasaun ho dezenvolvimentu kabarik feto sira nian atu nune'e sira bele hatutan ba sira-nia kolega sira", dehan Prezidente INDICA.
Enkuantu iha enkontru ne'e hetan partisipa direta husi Sua Exelénsia Ministra Edukasaun Dra.Dulce de Jesus Soares, Xefe Gabinete Ministra, Prezidente INDICA no reprezentante labarik feto sira.
#EliasdaCosta
#MédiaME
