RAEOA - 28 Outubru 2025
Ministériu Edukasaun, liu husi Diretora Jerál Planu, Polítika, Inkluzaun no Informátika (DJ-PPII), Odilia das Dores Ung Martins, hamutuk ho Xefe Gabinete Minsitra Paula Corte-Real no Diretór Servisu Edukasaun RAEOA, Vincencio Kono, halo abertura ofisiál ba formasaun ba inan-aman kona-ba igualdade jéneru no harii relasaun respeitozu iha Eskola Téknika Vokasional Palaban.
Iha diskursu, DJ-PPII, Odilia das Dores Ung Martins hateten, "formasaun ida ne’e importante tebes atu fó oportunidade ba inan-aman sira hatene oinsá bele kria ambiente família ne’ebé saudável, liu husi hahalok, liafuan no atitude ne’ebé mak bazeia ba respeitu no rona malu.
“Formasaun ida ne’e mak meiu ida ba inan-aman sira atu bele komprende no aplika valór respeitu malu iha moris família tanba família mak fundasaun ba dezenvolvimentu sosietáriu,” ténki DJ-PPII
Aleinde ne'e, Diretór Servisu Edukasaun RAEOA Vincencio Kono hateten, "Ministériu Edukasaun sei kontinua fó suporta no enkoraza inan-aman sira atu partisipa ho laran-diak iha treinamentu hanesan ne’e"
"Formasaun ne’e parte husi esforsu Ministériu Edukasaun atu promove igualdade jéneru, respeitu malu, no envolvimentu inan-aman iha prosesu edukasaun" dehan Diretór SE-RAEOA
Enkuantu firmasaun ne'e sei hala'o durante loron tolu no partisipa husi Professores, estudantes, inan-aman sira no reprezentante husi UN Women nu’udar parseiru dezenvolvimentu.
#MédiaME
#JornalistaJulioReis
