OE-CUSSE - Ministériu Edukasaun ensera ofisialmente *Programa Formasaun Intensivu ba Manorin Nível Pré-Eskolár* iha loron Sesta-feira, 1 Agostu 2026 iha *Institutu Formasaun Dosente no Profisionál Edukasaun (INFORDEPE)*, Rejiaun Administrativa Espesiál Oe-Cusse Ambeno (RAEOA).
Formasaun ne’ebé hala’o durante semana ida, hahú husi 27 Jullu to’o 1 Agostu ne’e, partisipa husi *edukadór na’in-16* kompostu husi *feto 10 no mane 6* ne’ebé mai husi sentru pré-eskolár oioin iha RAEOA.
Objetivu prinsipál husi formasaun ne’e atu *hasa’e kapasidade manorin sira* iha implementasaun kurrikulu pré-eskolár foun, uza metodolojia hanorin ne’ebé sentradu ba labarik, no prepara ambiente aprendizajen ne’ebé di’ak ba labarik sira idade 4-5 tinan.
Iha nia intervensaun, *Formadór Jacinto Sila* hatete katak Ministériu Edukasaun liuhosi Diresaun Pré-Eskolár tau importánsia boot ba dezenvolvimentu labarik sira-nia futuru iha área bázika.
“Atu dezenvolve labarik sira-nia futuru iha área numerasia no literasia, Ministériu Edukasaun prepara ona materiál hotu-hotu hodi suporta hasa’e labarik sira-nia koñesimentu. Ami husu ba formandu sira atu domina matéria ne’ebé iha, hodi nune’e bele fasilita sira ezerse sira-nia knaar iha eskola ho di’ak liu tan,” dehan Jacinto.
Profesór Alarico Teme* husi *Sentru Sakato* dehan, programa ne’e prepara nia atu hanorin di’ak liu labarik sira ho idade 5 ba leten molok sira tama ba Ensinu Báziku.
“Liuhosi programa intensivu ne’e, ami aprende oinsá atu hanorin di’ak liu, liuliu kona-ba alfabetu, literasia, numerasia, no kór no forma sira. Ida-ne’e atu enkamiña estudante sira hodi rekoñese no hatene di’ak liu baze ba numerasia no literasia,” nia afirma.
Nune’e mós *Formanda Cecilia Bana Co’a* husi *Sentru Oe-Nunu* sente katak formasaun ne’e fó matadalan ne’ebé kompletu ba nia.
“Benefísiu husi formasaun ne’e kapás tebes tanba aumenta ami-nia kapasidade nu’udar manorin atu fó buat foun ba estudante sira. Formasaun ne'e mós fó planu lisaun sira, ne’ebé bele tulun ami atu komprende di’ak liu saida mak uluk ami seidauk hatene. Ha’u prontu atu implementa iha baze hodi hasa’e sira-nia mentalidade no kapasidade bainhira hakat ba primeiru anu,” nia esplika.
Tuir Ministériu Edukasaun, investe iha formasaun ba manorin pré-eskolár importante tebes tanba ne’e mak faze dahuluk ba labarik sira nia aprendizajen. Kuandu baze literasia no numerasia forte ona, estudante sira sei fasil liu atu tuir prosesu aprendizajen iha Ensinu Báziku.
Ministériu Edukasaun agradese ba INFORDEPE RAEOA no ba manorin sira hotu ne’ebé partisipa ho kompromisu hodi hasa’e kualidade edukasaun iha rejiaun.
[PORTU]
MINISTÉRIO DA EDUCAÇÃO CONCLUI FORMAÇÃO INTENSIVA PARA EDUCADORES DO PRÉ-ESCOLAR NA RAEOA
Oe-Cusse, 1 de agosto de 2026 – O Ministério da Educação, através do Instituto Nacional de Formação de Docentes e Profissionais da Educação (INFORDEPE) da Região Administrativa Especial de Oe-Cusse Ambeno (RAEOA), concluiu oficialmente o Programa de Formação Intensiva para Educadores do Ensino Pré-Escolar, realizado entre os dias 27 de julho e 1 de agosto de 2026.
A ação de formação contou com a participação de 16 educadores, dos quais 10 mulheres e 6 homens, provenientes de diversos centros de educação pré-escolar da RAEOA. O principal objetivo da iniciativa foi reforçar as competências profissionais dos educadores na implementação do novo currículo do ensino pré-escolar, promovendo metodologias de ensino centradas na criança e a criação de ambientes de aprendizagem seguros, estimulantes e adequados às crianças dos 4 aos 5 anos de idade.
Na sua intervenção, o formador Jacinto Sila destacou que o Ministério da Educação, através da Direção Nacional da Educação Pré-Escolar, continua a atribuir elevada prioridade ao desenvolvimento das crianças desde os primeiros anos de aprendizagem.
“Para fortalecer as competências das crianças nas áreas da literacia e da numeracia, o Ministério da Educação preparou todos os materiais e recursos pedagógicos necessários. Esperamos que os formandos dominem estes conteúdos e os implementem eficazmente nos seus estabelecimentos de ensino, contribuindo para a melhoria da qualidade da aprendizagem das crianças”, afirmou.
Por sua vez, o professor Alarico Teme, do Centro de Educação Pré-Escolar de Sakato, considerou que o programa constituiu uma oportunidade importante para preparar os educadores a desenvolverem práticas pedagógicas mais eficazes antes da entrada das crianças no Ensino Básico.
“Através desta formação intensiva aprendemos novas estratégias de ensino, sobretudo nas áreas da alfabetização, literacia, numeracia e no reconhecimento das cores e das formas. Estes conhecimentos permitirão preparar melhor as crianças para o ingresso no primeiro ano do Ensino Básico”, referiu.
Também a formanda Cecilia Bana Co’a, do Centro de Educação Pré-Escolar de Oe-Nunu, salientou que a formação reforçou significativamente os seus conhecimentos e proporcionou orientações claras para a preparação das aulas.
“Esta formação trouxe grandes benefícios para nós, enquanto educadores, porque reforçou as nossas competências profissionais. Recebemos ainda planos de aula e metodologias de ensino que facilitaram a compreensão de conteúdos que anteriormente desconhecíamos.
Estou preparada para aplicar os conhecimentos adquiridos, contribuindo para o desenvolvimento das capacidades e da mentalidade das crianças antes da sua entrada no Ensino Básico”, explicou.
O Ministério da Educação reafirma que o investimento na formação dos educadores do ensino pré-escolar constitui uma estratégia fundamental para o fortalecimento do sistema educativo nacional. Uma base sólida em literacia e numeracia desde a educação pré-escolar permitirá às crianças enfrentar com maior sucesso o percurso de aprendizagem no Ensino Básico.
No encerramento da formação, o Ministério da Educação manifestou o seu reconhecimento ao INFORDEPE da RAEOA e a todos os educadores participantes pelo empenho, dedicação e compromisso demonstrados na promoção da qualidade da educação na Região Administrativa Especial de Oe-Cusse Ambeno.
MédiaME
JustinoNeno
