Dili 11 Janeiru 2023 (SAPIENTIA)-Ministru Edukasaun, Juventude no Desportu (MEJD) Armindo Maia, relata progresu servisu konstrusaun no rehabilitasaun eskola sira hosi projeitu komunitaria hamutuk 92 ne’ebe preparadu ona atu hala’o inaugurasaun iha fulan Janeiru 2023. ba Primeiru Ministru Taur Matan Ruak.
“Ohin ha’u mai hasoru ona Primeiru-Ministru hodi informa katak iha ona eskola hamutuk 92 maka preparadu ona atu hetan inaugurasaun maibe ninia data maka seidauk termina,” Governante ne’e hateten ba ba jornalista sira iha Palasiu Governu Dili.
Nia haktuir katak, serimonia inaugurasaun ne’e sei realiza iha janeiru 2023 ne’e sei lansa hosi Xefi Governu Taur Matan Ruan no serimonia inaugurasaun ne’e sei realiza iha Munisipiu Baucau ho simbolika depois mak sei halo hosi Governu sira iha kada Munisipiu sira.
Diretor Nasional Dezenvolvimentu Parke Eskolar (DNDPE), Agostu Soares, ralata katak loloos ne’e prosesu serimonia inaugurasaun ba eskola sira ne’e realiza ona iha Dezembru tinan 2022 maibe Primeiru-Ministru foti ona lisensa anual, entaun planu inaugurasaun ne’e adia fila fali ba Janeiru 2023.
Miabe, nia dehan, iha ona planu inaugurasaun ne’ebe sei realiza iha eskola Ensinu Baziku Central (EBC), ida iha Baucau ne’e sei akontese iha semana ida ne’e no Xefe Governu rasik mak sei inaugura depois mak sei fo mos orientasaun ba ministru sira atu halo mos inaugurasaun ba eskola sira seluk iha munisipiu sira.
Media. Sapientia. Bosco
