Díli, 13 Maiu 2026
Ministériu Edukasaun, liuhusi Diretora Jerál Planeamentu, Polítika, Inkluzaun no Informátika, Sra. Odilia das Dores Ung Martins, hamutuk ho reprezentante husi Ministériu Administrasaun Estatál, Ministériu Saúde no parseiru dezenvolvimentu sira, halo Validasaun Nasionál SABER – Merenda Eskolár Timor-Leste ba tinan 2026, iha Salaun ETDA, Fatuhada.
Iha nia intervensaun, Diretora Jerál Planeamentu, Polítika, Inkluzaun no Informátika, Sra. Odilia das Dores Ung Martins, hatete katak Programa Merenda Eskolár hamriik hanesan inisiativa nasionál prinsipál ida-ne’ebé reflete Governu nia kompromisu maka’as ba alimentasaun eskolár nu’udar investimentu estratéjiku ida iha dezenvolvimentu kapitál umanu. Kompromisu ida-ne’e mós hetan reforsu liuhusi Dekretu-Lei Nú. 61/2022, ne’ebé promulga iha loron 24 Agostu 2022.
“Timor-Leste iha ona Programa Merenda Eskolár, tanba ne’e ezersísiu ida-ne’e fó oportunidade di’ak atu kompriende programa nia implementasaun to’o ona iha ne’ebé, inklui ninia forsa no susesu sira, maibé mós identifika lakuna sira atu bele halo melloramentu no buka solusaun apropriadu. Ida-ne’e la’os de’it ezersísiu tékniku ida, maibé mos harii fundasaun ida-ne’ebé metin ba ita-nia oan sira-nia futuru,” esplika hosi DG PPII.
Diretora ne’e mós argumenta katak ezersísiu ida-ne’e importante tebes tanba la’os de’it atu halo revizaun ba programa, maibé mós atu dezenvolve planu rasionál ida-ne’ebé sei hametin liután kualidade no sustentabilidade Programa Merenda Eskolár nian.
“Ha’u enkoraja partisipante hotu-hotu atu envolve ativamente iha atividade sira liuhusi diálogu nakloke, reflesaun konstrutivu no kolaborasaun. Ita-bo’ot sira nia koñesimentu no perspetiva sira esensiál atu asegura katak ezersísiu ida-ne’e fó rezultadu signifikativu no sustentável,” hateten Diretora PPII.
Diretora Jerál ne’e mós rekorda fali katak IX Governu Konstitusionál iha kompromisu metin ba Programa Merenda Eskolár no iha vizaun ida-ne’ebé luan liu atu asegura katak labarik ida-idak iha Timor-Leste hetan asesu ba merenda eskolár nutritivu hodi apoia sira-nia edukasaun no futuru.
[PORTU]
MINISTÉRIO DA EDUCAÇÃO E MAE REALIZAM VALIDAÇÃO NACIONAL DO SABER – MERENDA ESCOLAR EM TIMOR-LESTE 2026
Díli, 13 de maio de 2026 – O Ministério da Educação, através da Diretora-Geral de Planeamento, Políticas, Inclusão e Informática, Sra. Odilia das Dores Ung Martins, em conjunto com representantes do Ministério da Administração Estatal, Ministério da Saúde e parceiros de desenvolvimento, realizou a Validação Nacional do SABER – Merenda Escolar Timor-Leste 2026, no Salão ETDA, em Fatuhada.
Na sua intervenção, a Diretora-Geral de Planeamento, Políticas, Inclusão e Informática afirmou que o Programa de Merenda Escolar constitui uma iniciativa nacional prioritária que reflete o forte compromisso do Governo com a alimentação escolar enquanto investimento estratégico no desenvolvimento do capital humano. Este compromisso foi igualmente reforçado através do Decreto-Lei n.º 61/2022, promulgado a 24 de agosto de 2022.
“Timor-Leste já possui um Programa de Merenda Escolar e este exercício representa uma importante oportunidade para compreender o progresso da implementação do programa, incluindo os seus pontos fortes e sucessos, mas também para identificar lacunas, de forma a melhorar e encontrar soluções adequadas. Este não é apenas um exercício técnico, mas também uma base sólida para o futuro das nossas crianças”, explicou a DG da PPII.
A responsável salientou ainda que este exercício é fundamental não apenas para rever o programa, mas também para desenvolver um plano racional que permita reforçar a qualidade e a sustentabilidade do Programa de Merenda Escolar.
“Encorajo todos os participantes a envolverem-se ativamente nas atividades através de um diálogo aberto, reflexão construtiva e colaboração. Os vossos conhecimentos e perspetivas são essenciais para garantir que este exercício produza resultados significativos e sustentáveis”, afirmou a Diretora da PPII.
A dirigente recordou ainda o firme compromisso do IX Governo Constitucional com o Programa de Merenda Escolar e a visão de assegurar que todas as crianças em Timor-Leste tenham acesso a uma alimentação escolar nutritiva para apoiar a sua educação e o seu futuro.
