Manatuto, 29 Marsu 2026
Ministériu Edukasaun liu-hosi Ministra Edukasaun Dulce de Jesus Soares hamutuk ho Sua Exelénsia Primeiru Ministru Kay Rala Xanana Gusmão no Membru Guvernu partisipa Misa Domingu Ramos hamutuk ho Sarani Parokia iha Postu Adminitrativu Natarbora
Selebrasaun Misa ne’e fó hanoin konaba Ksolok no simu Jesus hanesan Liu-Rai hafoin nia terus to mate iha kruz. Iha Omilia amu Selebrante Eusebio Puru Duli husu ba Fiar-nain sira katak atu reflete signifikadu husi partisipasaun iha selebrasaun ne’e.
“Iha selebrasaun kmanek ne’e hamutuk nudar povu maromak ni’an ita la’o tuir ita na’i Jesus Kristu nia-ain fatin hakat tama ba Sidade Boot Jerujalem ita agradese ba na’i maromak ne’ebé haruka mai ita ema, nia mísias, nia salvador, mai salva ita ema hotu-hotu hodi manan maromak nia grasa, maromak nia bensaun mai ita nia moris no domin,” tenik amu parokia natarbora
Misa Domingu Ramos ne’e selebrasaun ida ne'ebé importante tebes iha kreda Katólika, tanba ne'e mak sai hanesan odamatan atu tama ba Semana Santa.
