Australia 09 Dezembru 2024
Ministériu Edukasaun liu husi Diresaun Nasionál Ensinu Báziku Akompaña estudante manan-na'in Sertame Nívél Nasionál husi Munisípiu Manufahi, hala'o Vizita Scienceworks Melbourne ne'ebé sai hanesan muzeu siénsia iha Australia ho objectivo atu estudantes komprende mistériu kona-ba universu moris loroloron nian,tamba Siénsia hatudu oinsá inovasaun forma ita-nia sosiedade iha pasadu no Futuru.
Estudante manan'nain ba Sertame Nasionál iha Ensinu Báziku 3⁰ Siklu husi Munisípiu Manufahi, Antonieta imaculada sente haksolok bele hare Aprendizajen iha Siensiaworks tamba envolve hodi hili espozisaun interativu ne'ebé dirije an rasik nomós hola parte iha espozisaun siénsia ne'ebé lidera husi edukadór no espesialista imersivu iha Sala Planetária .
Enkuantu, Adjunta Eskola Ensinu Báziku Sentral 3⁰ siklu Diligência, Letefoho Munisípiu Manufahi Sra. Maria santa antunes hateten, visita ne'e hanesan aprendizajen profisionál ba profesór sira no oportunidade ba aprendizajen virtuál hodi aproveita sira nia koñesimentu husi peritu muzeu liu husi Kolesaun Istorika Siensia no Teknolojia ba estudantes hodi descobre Sientifiku uza esperiénsia direta.
" Visita ida ne'e mós hanesan prosesu aprendizajen sensoriu ida ne'ebé fó inspirasaun ba estudante sira hodi estimula inovasaun sientífiku liuhusi esperiénsia envolve estudante sira ho ideia bo'ot no solusaun kriativu hodi halo mundu sai fatin ne'ebé di'ak liu atu la'o ba oin", Dehan Adjunta.
Iha visita ida ne'e hetan akompañamentu husi Delegasaun Ministériu Edukasaun Representa husi Chefe Departamentu, Diresaun Nasionál Ensino Básico.
#JornalistaElias
#MÉDIAME
