𝙎𝘼𝙐𝘿𝙊𝙕𝙐 𝙀𝙍𝙉𝙀𝙎𝙏𝙊 𝙁𝙀𝙍𝙉𝘼𝙉𝘿𝙀𝙎 “𝘿𝙐𝘿𝙐” 𝙎𝘼𝙄 𝙄𝙎𝙏Ó𝙍𝙄𝘼 𝘽𝘼 𝙀𝘿𝙐𝙆𝘼𝙎𝘼𝙐𝙉

𝙎𝘼𝙐𝘿𝙊𝙕𝙐 𝙀𝙍𝙉𝙀𝙎𝙏𝙊 𝙁𝙀𝙍𝙉𝘼𝙉𝘿𝙀𝙎 “𝘿𝙐𝘿𝙐” 𝙎𝘼𝙄 𝙄𝙎𝙏Ó𝙍𝙄𝘼 𝘽𝘼 𝙀𝘿𝙐𝙆𝘼𝙎𝘼𝙐𝙉

ERMERA, 08 Maiu 2025
Saudozu Ernesto Fernandes “DUDU” hanesan Eis Komadante FALINTIL, Rejiaun IV ne’ebé sempre halibur Timoroan sira hodi luta hasoru invazór sira. Nune’e Saudozu nia lideransa hanesan istória ida ne’ebé sei hanorin ba jerasaun sira.

Ho ida-ne’e, Sua Exelénsia Ministra Edukasaun, Dra. Dulce de Jesus Soares, ho Sekretáriu Estadu Ensinu Sekundáriu Jeral no Ensinu Sekundáriu Tekniku Vokasional, Sr. Domingos Lopes Lemos hamutuk ho funsionáriu Ministériu Edukasaun presta omenajen ikus ba Saudozu Ernesto Fernandes “DUDU” iha Gleno, Munisípiu Ermera.

Saudozu Ernesto Fernandes “DUDU” maka figura ida-ne’ebé di’ak tebetebes iha nia lideransa tanba ne’e Ministériu Edukasaun sente lakon no triste, maibé husu atu ba ho hakmatek no sai anju, atu nune’e bele hala’o servisu ho di’ak hodi serve povu no rai doben Timor-Leste.

Enkuantu, Saudozu Ernesto Fernandes “DUDU” moris iha loron 18, fulan juñu 1945 no hakotu nia peregrinasaun iha loron 07 fulan Maiu 2025 iha Hospital Nasional Guido Valdares.

#MÉDIAME